Павел Анатольевіч Ганчарык быў затрыманы па крымінальнай справе, распачатай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. Паўла абвінавацілі ў распальванні расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт. 130) і абразе прэзідэнта (ч. 1 арт. 368).

У сярэдзіне жніўня 2022 г. Паўла перавялі з жодзінскага СІЗА ў гомельскі следчы ізалятар № 3.

У Гомельскім абласным судзе 30 жніўня 2022 г. быў вынесены прысуд: Ганчарыка прызналі вінаватым і пакаралі пазбаўленнем волі тэрмінам на тры гады ў калоніі ва ўмовах агульнага рэжыму.

У лістападзе 2022 г. КДБ унёс палітвязня ў спіс "асобаў, датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Напрыканцы лістапада 2022 г. Паўла этапавалі ў івацэвіцкую ПК № 22.

Выйшаў на волю 11 сакавіка 2024 г. 

У Гомелі — новы прысуд па "справе Зельцэра"

Справу разглядала суддзя Людміла Грынько.