Патрыцыя Валер'еўна Свіціна — спявачка, якая з'яўлялася лаўрэаткай стыпендыі Лукашэнкі па падтрымцы таленавітай моладзі, але адмовілася ад яе.

Яна была затрымана ў сярэдзіне траўня 2023 года. У "пакаяльным відэа" яна распавяла, што ў 2020 годзе «ўдзельнічала ў пратэстах», «выходзіла на дарогі» і ў складзе калоны «перакрывала рух транспарту». Таксама яна сказала, што публікавала ў сацсетках «негатыўныя паведамленні» пра сілавікоў, аб «спецаперацыі, якая праводзіцца на тэрыторыі Украіны» і «распальвала варожасць і нянавісць паміж славянскімі народамі».

На дзяўчыну завялі крымінальную справу паводле арт. 342 Крымінальнага кодэксу (за "актыўны ўдзел у групавых дзеяннях, якія груба парушаюць грамадскі парадак").

Яна ўтрымліваецца ў СІЗА-1, куды была пераведзена са Следчай турмы № 8.

У судзе Цэнтральнага раёна Мінска 1 жніўня 2023 г. пачынаюць судзіць спявачку. Справу будзе разглядаць суддзя Вікторыя Шабуня.

2 жніўня 2023 г. спявачку асудзілі на 2,5 гады "хатняй хіміі". Яе вызвалілі з-пад варты ў зале суда.

24 лістапада 2023 г. уключана МУС у "спіс экстрэмістаў".

Вядома, што напрыканцы 2023 г. Патрыцыю адпраўлялі на трое сутак на Акрэсціна, за "парушэнне правілаў адбыцця "хатняй хіміі".

Спявачку Патрыцыю Свіціну асудзілі да 2,5 гадоў "хатняй хіміі"

Пад вартай спявачку ўтрымлівалі два з паловай месяцы, а пасля абвяшчэння прысуду вызвалілі ў зале суда.

У Мінску пачынаюць судзіць спявачку Патрыцыю Свіціну

Пад вартай спявачку ўтрымліваюць два з паловай месяцы.