Наталля Іванаўна Пятровіч была затрымана 19 снежня 2022 года дома за каментар. Яе абвінавачваюць паводле ч. 1 арт. 368 Крымінальнага кодэкса за «абразу Лукашэнкі».

У пачатку чэрвеня 2023 г. стала вядома, што палітзняволеная была пераведзена з СТ-8 у CI3A-1. 

Пазней стала вядома, што палітзняволеную абвінавачваюць паводле пяці артыкулаў Крымінальнага кодэкса:

• ч. 1 арт. 130 — Распальванне расавай, нацыянальнай, рэлігійнай альбо іншай сацыяльнай варожасці ці варажнечы;
• ч. 3 арт. 361-1 — Стварэнне экстрэмісцкага фармавання або ўдзел у ім;
• ч. 1 арт. 368 — Абраза прэзідэнта Рэспублікі Беларусь;
• ч. 3 арт. 361 — Заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь;
• арт. 369 — Абраза прадстаўніка ўлады.

11 жніўня 2023 году Вера Галаўко ў Мінскім гарадскім судзе асудзіла палітзняволеную да шасці гадоў пазбаўлення волі ў калоніі агульнага рэжыму.

У кастрычніку 2023 г. Наталля даслала ліст на волю, у якім паведаміла, што не атрымлівае лісты з волі:

"Усім пішу, але лістоў амаль не атрымліваю. Не разумею, у чым справа. Таму ўсім мае прывітанні, самыя найлепшыя пажаданні і велізарная падзяка".

На 20 кастрычніка 2023 г. быў прызначаны разгляд апеляцыйнай скаргі Наталлі ў Вярхоўным судзе. Старшыня судовай калегіі Уладзімір Давыдаў. 

У пачатку лістапада 2023 г. стала вядома, што Наталлю з СІЗА-1 перавялі ў ПК-4.

17 лістапада ўнесена МУС у "спіс экстрэмістаў".

28 лістапада 2023 г. унесена КДБ у "спіс тэрарыстаў".

Вядома, што ў траўні 2024 г. Наталля была змешчаная ў ШІЗА.

Выйшла на волю па памілаванні 20 жніўня 2024 г.

Мінімум 13 палітвязняў выйшлі на волю па памілаванні, сярод іх — Ксенія Луцкіна і Васіль Бераснёў

16 жніўня Лукашэнка падпісаў Указ аб памілаванні 30 палітзняволеных, сярод якіх 14 жанчын і 16 мужчын, а некаторыя з іх маюць сур'ёзныя захворванні. За апошнія суткі з калоній па памілаванні пачалі выходзіць палітзняволеныя. Па стане на 21 жніўня праваабаронцам "Вясны" вядомыя прозвішчы 13 вызваленых палітвязняў, сярод іх Васіль Бераснёў, Ала Зуева, Вольга Стаброўская,Вольга Новікава, Ірына Санкоўская і журналістка Ксенія Луцкіна. Праваабаронцы падтрымліваюць інфармацыйную цішыню для бяспекі вязняў, таму пакуль не публікуюць прозвішчы астатніх вызваленых.

68-гадовую палітзняволеную асудзілі да шасці гадоў калоніі за каментары

Прысуд вынесла Вера Галаўко ў Мінскім гарадскім судзе.