62-гадовую Наталлю Алегаўну Паўлючэнка прызналі вінаватай паводле арт. 368 Крымінальнага кодэкса ("абраза Лукашэнкі") і асудзілі да двух гадоў абмежавання волі без накіравання ў ПУАТ ("хатняй хіміі"). 

Справу разглядзеў суддзя Андрэй Бычыла.   

Вядома, што жанчыну затрымалі ў снежні 2022 года. Да суду яна знаходзілася пад падпіскай аб нявыездзе, а пасля затрымання правяла трое сутак з 16 па 19 снежня 2022 года ў Пінскім ІЧУ.

Наталлю Паўлючэнка 16 лютага 2023 года ў судзе Пінска і Пінскага раёна асудзілі за каментар у сацсетцы "Аднакласнікі" 17 сакавіка 2021 года у бок Лукашэнкі ў суполцы "Медиа-Полесье" пад навінай пра памерлага ў пінскай лякарні пацыента. Каментар прызналі наўмыснай публічнай абразай Лукашэнкі.

17 сакавіка 2023 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Пенсіянерку асудзілі да "хатняй хіміі" за "нецярплівае зычанне хуткай смерці" Лукашэнку

Стала вядома, што 16 лютага 2023 года ў судзе Пінска і Пінскага раёна вынесены прысуд 62-гадовай Наталлі Паўлючэнка. Жанчыну прызналі вінаватай паводле арт. 368 Крымінальнага кодэкса ("абраза Лукашэнкі") і асудзілі да двух гадоў абмежавання волі без накіравання ў ПУАТ ("хатняй хіміі").