Надзея Пятроўна Старавойтава — выкладчыца беларускай мовы, кандыдатка філалагічных навук і дацэнтка кафедры беларускай і рускай моў.

Надзею затрымалі 23 ліпеня 2023 года. У "пакаяльным відэа" яна кажа, што наведвала мітынгі ў 2020 годзе, падчас якіх выходзіла на дарогу, зарэгістравалася ў плане "Перамога" і была падпісана на "дэструктыўныя" каналы.

Цяпер Надзею абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак).

27 кастрычніка 2023 г. суд Фрунзенскага раёна Мінска пачынае разгляд крымінальнай справы, заведзенай на Надзею, а таксама на яе каляжанак — выкладчыцу Наталлю Сівіцкую і загадчыцу студэнцкім інтэрнатам Алену Драбудзьку.

Справу прызначылі разглядаць суддзі Алене Бушавай.

31 кастрычніка 2023 г. у судзе Фрунзенскага раёна Мінска агучылі прысуд для Надзеі — тры гады абмежавання волі без накірвання ("хатняй хіміі"). 

У Мінску асудзілі выкладчыц універсітэта і загадчыцу студэнцкага інтэрната

Суд Фрунзенскага раёна Мінска 31 кастрычніка вынес прысуд па крымінальнай справе паводле ч. 1 арт. 342 Крымінальнага кодэкса, заведзенай на выкладчыц універсітэта Наталлю Сівіцкую, Надзею Старавойтаву і загадчыцу студэнцкага інтэрната Алену Драбудзька. Іх абвінавацілі ва ўдзеле ў акцыях пратэсту ў 2020 годзе і падпісцы на “дэструктыўныя" каналы.

У Мінску судзяць выкладчыц універсітэтаў і загадчыцу студэнцкага інтэрната за ўдзел у пратэсных акцыях

Іх вінавацяць ва ўдзеле ў акцыях пратэсту ў 2020 годзе і падпісцы на “дэструктыўныя" каналы.