Мікіта Самарын
Дата затрымання: 5 кастрычніка 2020
Прад'яўленыя абвінавачванні:
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
Вынік суда: 2 гады і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Суддзя: Хіхол Руслан
Месца зняволення: Знаходзіцца на волі да пачатку адбыцця пакарання
Мікіту Самарына, якога абвінавачвалі ў распыленні газу ў твар амапаўцу 25 жніўня 2020 года паводле арт. 364 КК, асудзілі 11 снежня 2020 года на чатыры гады абмежавання волі ў папраўчай установе адкрытага тыпу. Самарын таксама абавязаны выплаціць 500 рублёў кампенсацыі маральнай шкоды супрацоўніку АМАП. Мікіту вызвалілі ў зале суда — змянілі меру стрымання на падпіску аб нявыездзе. Справу разглядаў суддзя Руслан Хіхол.
Пасля затрымання 5 кастрычніка 2020 года Мікіту Самарына кінулі ў мікрааўтобус у кайданках, зацягнутых вышэй кісцяў на запясце — у яго засталіся шнары ад рэзаных ран. Прама ў аўтобусе Самарыну нажом абрэзалі доўгія валасы. У Галоўным упраўленні па арганізаванай злачыннасці яму загадалі даць паказанні пад пагрозай вывезці ў лес і завядзеннем крымінальнай справы на затрыманага з ім сябра.
Мікіце Самарыну 25 сакавіка 2021 года ў Гродзенскім абласным судзе прызначылі новае пакаранне — два з паловай гады пазбаўлення волі замест чатырох гадоў «хіміі».
Па інфармацыі hrodna.life, справу 23 сакавіка разгледзела судовая калегія ў складзе суддзяў Андрэя Ліхача, Уладзіміра Яўхуты і Валерыя Раманоўскага і вынесла рашэнне 25 сакавіка.
Суму кампенсацыі пацярпеламу амапаўцу Білідзе павялічылі - з 500 да 2000 рублёў.
Сам Мікіта ў суд не з’явіўся. Ён накіраваў ліст праз сябра. У ім ён распавёў, што паводле яго інфармацыі, у зале суду планавалі адвольныя затрыманні, што пагражала яму і прысутным. У будынку суда сапраўды знаходзіліся сілавікі.
Мікіце Самарыну, які падчас пратэстаў заступіўся за азотаўца, прызначылі новае пакаранне
Справа Мікіты Самарына: на судзе мастак прызнаўся, што яго прымусілі агаварыць сябе