Міхаіл Суднік
Дата затрымання: 29 жніўня 2022
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Макарэвіч Міхаіл
Дар'ю і Міхаіла Суднікаў абвінавацілі ў перакрыцці дарог на адным з Маршаў у 2020 годзе і асудзілі па "народным" артыкуле 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак).
Сямейную пару вылічылі супрацоўнікі ГУБАЗіКа па фотаздымку з кнігі з плакатамі "Я выхожу". Яны падрыхтавалі адпаведны рапарт і ліст 22 жніўня 2022 года.
У хуткім часе Суднікаў затрымалі і змясцілі пад варту.
У судзе Партызанскага раёна Мінска 6 снежня 2022 года суддзя Міхаіл Макарэвіч прызначыў Дар'і і Міхаілу паводле ч. 1 арт. 342 КК па тры гады абмежавання волі без накіравання ў папраўчую ўстанову адкрытага тыпу ("хатняй хіміі"). Іх вызвалілі ў зале суда.
Сямейную пару асудзілі за ўдзел у Маршы па фота з кнігі "Я выхожу"