Міхаіл Юр'евіч Макараў — адвакат, быў затрыманы 13 верасня 2022 года. 

Затрыманне адваката сілавікі звязвалі з абаронай палітзняволеных актывістаў анархічнага руху. Адразу Міхаіла асудзілі на 15 сутак у судзе Фрунзенскага раёна Мінска па арт. 19.11 КаАП (распаўсюд экстрэмісцкіх матэрыялаў). Пасля гэтага яму выставілі абвінавачванне паводле ч. 1 арт. 342 Крымінальнага кодэкса (Актыўны ўдзел у дзеяннях, якія груба парушаюць грамадскі парадак) і перавялі ў СІЗА-1. 

3 лістапада 2022 г. Мінюст пазбавіў Міхаіла ліцэнзіі з прычыны "дысцыплінарных спагнанняў і за здзяйсненне правінаў, несумяшчальных са званнем адваката". 

У судзе Ленінскага раёна Мінска 3 сакавіка 2023 г. вынеслі прысуд па справе адваката. Міхаіла Макарава абвінавацілі ва ўдзеле ў акцыі пратэсту ў 2020 годзе ў Мінску. Суддзя Юлія Шчоткіна прызначыла яму адзін год калоніі ва ўмовах агульнага рэжыму.

6 траўня 2023 г. суддзя Жанна Брысіна разглядзела апеляцыйную скаргу і пакінула прысуд без зменаў.

5 чэрвеня 2023 г. палітвязень выйшаў на волю з СІЗА-1.

Адваката Міхаіла Макарава асудзілі да года калоніі за ўдзел у акцыі пратэсту

Міхаіла Макарава затрымалі з жонкай і яшчэ адной адвакаткай Анастасія Сагановіч 13 верасня 2022 года. Тады затрыманне адваката сілавікі звязвалі з абаронай палітзняволеных актывістаў анархічнага руху. Ён абараняў палітзняволенага Мікіту Дранца па справе "Рэвалюцыйнага дзеяння".

«Маці і брат таксама юрысты, жонка адвакат». Што вядома пра арыштаваных адвакатаў

Знаёмая Міхаіла расказала Свабодзе, што ён скончыў юрфак БДУ ў 2016 годзе, пасля чаго яшчэ некалькі гадоў атрымліваў досвед.