Міхаіл Аляксандравіч Кухарчук — жыхар Кобрыну, затрыманы за каментар не пазней за 24 студзеня 2023 года. Мужчыну абвінавацілі паводле арт. 368 (абраза Лукашэнкі) Крымінальнага кодэксу і змясцілі пад хатні арышт да суду.

Было апублікаванае відэа ад сілавікоў, у якім мужчыну вінавацілі ў напісанні 860 пратэсных інтэрнэт-каментароў. На тым жа відэа былі прыклады такіх паведамленняў. Так, напрыклад, 27 лютага 2022 г. пад навіной пра тое, што Лукашэнка прызнаў запускі ракет з тэрыторыі Беларусі, быў пакінуты ў Telegram каментар пра «двух маразматыкаў, [..] што адзін быў вымушаны, што другі».

Справу палітвязня разглядалі 24 сакавіка 2023 г. у будынку кобрынскага РАУС. Суддзя Ала Богнат прызнала Міхаіла Кухарчука вінаватым і асудзіла да аднаго году зняволення ў калоніі. Мужчыну ўзялі пад варту пасля абвяшчэння прысуду.

Разгляд апеляцыйнай скаргі адбыўся ў Брэсцкім абласным судзе 12 траўня 2023 г.

У чэрвені 2023 г. палітвязня этапавалі ў ПК № 3 з СІЗА-3.

1 снежня 2023 г. мусіў выйсці на волю. 

Мужчыну, якога вінавацілі ў напісанні 860 пратэсных каментароў, асудзілі да году калоніі

Да разгляду справы мужчына знаходзіўся пад хатнім арыштам, Міхаіла ўзялі пад варту пасля пасяджэння. Суд адбываўся ў будынку кобрынскага РАУС.