Міхаіла Сяргеевіча Корзуна абвінавацілі ў распальванні сацыяльнай варожасці (ч. 1 арт. 130 Крымінальнага кодэкса). 

Справу разглядала суддзя Кацярына Груда, дзяржабвінавачанне прадстаўляла памочнік пракурора Марыя Бялт.

Мужчыну затрымалі 10 студзеня 2022 г.

Брэсцкі абласны суд 6 кастрычніка 2022 г. завяршыў разгляд, і пасля трохдзённага разгляду крымінальнай справы, суддзя Кацярына Груда прызнала Міхаіла вінаватым ва ўчыненым злачынстве, і прызначыла мужчыну чатыры гады пазбаўлення волі ва ўмовах агульнага рэжыму.

3 студзеня 2023 г. КДБ уключыў палітвязня ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітзняволены ўтрымліваўся ў СІЗА-7. Актуальнае месцазнаходжанне высвятляецца.

За негатыўныя каментары на адрас Лукашэнкі — чатыры гады калоніі

Брэсцкі абласны суд 6 кастрычніка завяршыў разгляд крымінальнай справы мінчука Міхаіла Корзуна. 31-гадовага мужчыну абвінавачвалі ў распальванні сацыяльнай варожасці (ч. 1 арт. 130 Крымінальнага кодэкса).