Міхаіл Калішук

Дата нараджэння: 9 ліпеня 1996

Дата затрымання: 31 жніўня 2020

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 4 гады

Від пакарання: пазбаўленне волі ў турме ва ўмовах строгага рэжыму

Суддзя: Грушко Андрэй

Пракурор: Бацюшка Аляксандр, Манько Андрэй

Месца зняволення: Турма № 4

Міхаіл Іванавіч Калішук быў затрыманы і збіты супрацоўнікамі АМАПу 10 жніўня ў Брэсце. 11 жніўня Міхаіла адпусцілі.

31 жніўня яго паўторна затрымалі па падазрэнні ва ўдзеле ў масавых беспарадках. Знаходзіўся ў статусе падазраванага па ч.2  арт. 293 Крымінальнага кодэкса і ўтрымліваўся ў СІЗА г. Брэста.

У Ленінскім судзе Брэста 21 траўня 2021 года вынеслі прысуды па крымінальнай справы аб масавых беспарадках пасля выбараў (ч. 2 арт. 293 Крымінальнага кодэкса) 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 5 гадоў калоніі, дваіх непаўнагадовых — да 3 гадоў выхаваўчай калоніі. 

Міхаіл Калішук атрымаў 4 гады пазбаўлення волі ў калоніі ўзмоцненага рэжыму, якія ён пасля прысуду адбываў у ПК №3 (Віцьба). Адміністрацыя калоніі аказвала на палітвязня ціск, у тым ліку змясціла яго на 25 сутак у ПКТ. Усё паказвала на тое, што хлопца хацелі абвінаваціць у злосным непадпарадкаванні адміністрацыі папраўчай установы. У канцы 2021 стала вядома, што Міхаіла перавялі на турэмны рэжым, які ён адбывае ў магілёўскай Турме № 4.

"Тут звычайныя людзі, якія хочуць свабодна выказвацца". У Брэсце адправілі ў калонію яшчэ 13 фігурантаў па справе "жнівеньскіх беспарадкаў"

У Ленінскім судзе Брэста 21 траўня вынеслі прысуды па крымінальнай справы аб масавых беспарадках пасля выбараў (ч. 2 арт. 293 Крымінальнага кодэкса) 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 5 гадоў калоніі, дваіх непаўнагадовых — да 3 гадоў выхаваўчай калоніі. У сакавіку па гэтай справе на такія ж тэрміны асудзілі першых дзевяць чалавек. Усяго ў калонію па справе "жнівеньскіх беспарадкаў" брэсцкія суды адправілі ўжо 22 чалавекі, суды над астатнімі фігурантамі гэтай справы яшчэ чакаюцца.

У Брэсце пачалі судзіць яшчэ 13 чалавек за "масавыя беспарадкі" пасля выбараў

У судзе Маскоўскага раёна Брэста 7 красавіка пачаўся разгляд крымінальнай справе аб масавых беспарадках пасля выбараў (ч. 2 арт. 293 Крымінальнага кодэкса) супраць другой партыі берасцейцаў. Месяц таму суддзя Вера Філонік асудзіла па гэтай справе дзевяць чалавек на тэрміны ад 3 да 4,5 гады калоніі. Сёння судзяць адразу 13 чалавек: падлеткаў, былога дэсантніка, 18-гадовую дзяўчыну. Усім абвінавачаным пагражае ад трох да васьмі гадоў пазбаўлення волі.

«Зычу табе вельмі моцнай душэўнай дабрыні да людзей»

Жыццё 24-гадовага Міхаіла Калішука падзялілася апошнімі прэзідэнцкімі выбарамі на «да» і «пасля». «Да» была сям'я, якая нарадзілася незадоўга да жнівеньскіх падзей, дачушка, планы на будучыню. «Пасля» — душэўны боль, страх, адчай і слёзы родных, першае слова дачкі, якое ейны бацька так і не пачуў, разбураныя надзеі.

Адрас для лістоў: Турма № 4. 212011, г. Магілёў, вул. Крупскай, 99А

Палітвязні знаходзяцца па адрасах:

Падтрымаць «Вясну»