Мікалай Герасімавіч Віцікаў — пенсіянер, былы сельскі дэпутат. Быў затрыманы 14 студзеня 2022 года.

Падставай для затрымання стала ягоны ліст у раённую газету "Маяк" па нагоды абмеркавання змяненняў у Канстытуцыю. Следчыя кваліфікавалі ліст пенсіянера па ч. 1 арт. 130 Крымінальнага кодэкса — распальванне сацыяльнай варожасці або варажнечы, а "раёнка" адрэагавала абразлівым артыкулам. Пазней абвінавачанне змянілі на іншае: паводле арт. 369-1 Крымінальнага кодэкса — дыскрэдытацыя Рэспублікі Беларусь.

У судзе Навабеліцкага раёна Гомеля 7 чэрвеня 2022 г. вынеслі прысуд Мікалаю Віцікаву: суддзя Аляксандр Зінчук прызнаў яго вінаватым і асудзіў да 8 месяцаў пазбаўлення волі ў калоніі агульнага рэжыму за "замах на распаўсюд недакладнай, абразлівай.... інфармацыі аб дзейнасці дзяржорганаў, сілавікоў... ".

28 чэрвеня 2022 г. Мікалай выйшаў на волю з гомельскага СІЗА-3.

Пенсіянера з Церухі асудзілі за дыскрэдытацыю Рэспублікі Беларусь

У судзе Навабеліцкага раёна Гомеля 7 чэрвеня вынеслі прысуд жыхару Церухі палітвязню Мікалаю Віцікаву, якога абвінавачвалі ў дыскрэдытацыі Рэспублікі Беларусь па арт. 369-1 Крымінальнага кодэкса.

Да пяці гадоў калоніі. Прапановы пенсіянера па канстытуцыйнай рэформе кваліфікавалі як распальванне варожасці

14 студзеня ў вёсцы Церуха на Гомельшчыне затрымалі 68-гадовага пенсіянера і былога сельскага дэпутата Мікалая Віцікава. Падставай для затрымання стаў ягоны ліст у раённую газету «Маяк» з нагоды абмеркавання зменаў у Канстытуцыю. Следчыя кваліфікавалі ліст пенсіянера па ч. 1 арт. 130 Крымінальнага кодэкса — распальванне сацыяльнай варожасці, а раёнка адрэагавала абразлівым артыкулам. Дзесятыя суткі пенсіянер утрымліваецца за кратамі ў гомельскім СІЗА-3, інфармацыі пра прад'яўленне абвінавачвання ў родных няма. "Вясна" распавядае падрабязнасці гэтай справы.