Мікалай Папека
Былы палітвязень
Дата нараджэння: 28 снежня 1961
Дата затрымання: 13 верасня 2021
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 8 месяцаў і 15 дзён
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 17 снежня 2022
Суддзя: Маручак Сяргей
Пракурор: Плышэўскі Аляксандр, Ярошык Аляксей
Групы: Дзеячы культуры
Справы: Справа карагодаў
Мікалай Мікалаевіч Папека — паэт і пчаляр з Пружанаў, фігурант "справы карагодаў", асуджаны на два гады абмежавання волі з накіраваннем у папраўчую ўстанову адкрытага тыпу ("хімія") за ўдзел у акцыі 13 верасня 2020 года ў Брэсце.
З 13 верасня 2021 года адбываў пакаранне ў ПУАТ № 21.
Вядома, што на Міколу ціснулі на "хіміі". На думку знаёмых палітвязня, супраць мужчыны ладзілі розныя правакацыі, бо адміністрацыя мазырскай ПУАТ № 21 хацела адправіць Папеку ў калонію.
На пачатку красавіка 2022 г. суд Мазырскага раёна пастанавіў замяніць Мікалаю "хімію" на восем з паловай месяцаў у калоніі агульнага рэжыму, якія ён з чэрвеня адбываў у магілёўскай калоніі № 15.
Вядома, што Мікалай адмовіўся пісаць прашэнне аб памілаванні.
Палітвязень цалкам адбыў пакаранне і 17 снежня 2022 г. выйшаў на волю з ПК № 15.
У Брэсце вынеслі чарговыя прысуды па "справе карагодаў". Трох палітвязняў вызвалілі ў зале суда
У Міжнародны дзень пісьменніка ў зняволенні названыя 7 лаўрэатаў прэміі імя Аляхновіча
