Увагу сілавікоў сацсеткі Мікалая Сцяпанавіча Клімовіча прыцягнулі ў снежні мінулага года. Тады яго затрымалі і змясцілі ў ізалятар часовага ўтрымання. За кратамі блогер адседзеў трое сутак, пасля яму стала дрэнна з сэрцам, бо мае інваліднасць у сувязі з хваробай сэрца. Міліцыянты перадалі яго лекарам на лячэнне і вызвалілі да суда. Яго абвінавацілі ў абразе Аляксандра Лукашэнкі паводле арт. 368 Крымінальнага кодэкса ў сатырычным малюнку, які ён размясціў у сацыяльнай сетцы. 

У судзе Пінскага раёна і г. Пінска 28 лютага 2023 года абвясцілі прысуд  — адзін год калоніі. Такі прысуд вынес суддзя Андрэй Бычыла па прапанове пракурора Іллі Гузарэвіча, негледзячы на тое, што Мікалай Клімовіч мае інваліднасць II групы па сэрцу. Мужчыну арыштавалі ў залі суда, бо да прысуду ён быў на волі.

Разгляд апеляцыйнай скаргі прызначаны на 21 красавіка 2023 г. у Брэсцкім абласным судзе. Для адбыцця тэрміна Мікалай быў пераведзены ў віцебскую папраўчую калонію № 3.

5 траўня 2023 г. МУС уключыла палітзняволенага ў "Пералік грамадзян Беларусі замежных грамадзян і асоб без грамадзянства, якія маюць дачыненне да экстрэмісцкай дзейнасці".

5 траўня 2023 года Мікалай Клімовіч памёр у віцебскай калоніі. Ён памёр ва ўзросце 61 года. 

Сумесная заява праваабарончай супольнасці Беларусі па факце смерці Мікалая Клімовіча.

«Яго абклалі штрафамі, і ён выгульваў сабак за грошы, каб выжыць». Сябры памерлага ў калоніі Мікалая Клімовіча распавялі пра яго

«Калі яго ўзялі пад варту ў зале суда, то ён быў шакаваны, у яго быў такі выраз твару, быццам ён спіць і спрабуе прачнуцца ад нейкага кашмару», — расказваюць знаёмыя.

У калоніі памёр палітвязень Мікалай Клімовіч. Яго асудзілі да зняволення, негледзячы на захворванне сэрца

Мікалай Клімовіч меў інваліднасць II групы з прычыны захворвання сардэчнай сістэмы, перанёс інсульт і складаную аперацыю на сэрцы. Перад прысудам блогер выказаўся, што можа памерці за кратамі, бо яму трэба прымаць вялікую колькасць моцных лекаў. У зняволенні мужчына вытрымаў крыху больш за два месяцы.

Пінскага блогера асудзілі да калоніі за карыкатуру на Лукашэнку

Мужчыну арыштавалі ў залі суда, бо да прысуду ён быў на волі.

Пінскага блогера Мікалая Клімовіча пакаралі штрафам

Адміністрацыйны працэс адбыўся ў судзе Пінскага раёна і г. Пінска 10 лютага. Суддзя Андрэй Бачыла прызнаў блогера і грамадскага актывіста Мікалая Клімовіча вінаватым у распаўсюдзе нацысцкай сімволікі і прызначыў яму штраф – 111 беларускіх рублёў.