Мікалай Аляксандравіч Карсюк быў затрыманы ў Брэсце па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Мікалая абвінавацілі паводле арт. 369 КК (Абраза прадстаўніка ўлады) і арт. 130 КК (Распальванне сацыяльнай варожасці).

У Брэсцкім абласным судзе 26 кастрычніка 2022 г. Мікалаю прысудзілі тры гады пазбаўлення волі ў калоніі ва ўмовах агульнага рэжыму. Акрамя гэтага, суддзя Ніна Шастак прызначыла палітвязню 100 базавых штрафу.

У сярэдзіне лістапада 2022 г. Мікалая перавялі з СІЗА-7 у баранавіцкі СІЗА-6.

У студзені 2023 г. МУС дадала палітвязня ў спіс "асоб, датычных да экстрэмісцкай дзейнасці".

На пачатку лютага 2023 г. палітвязня этапавалі ў ПК № 3.

Мусіў выйсці на волю 28 студзеня 2024 г.