Мікалай Мікалаевіч Дземчанка быў затрыманы ў Гомелі па крымінальнай справе, распачатай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Мікалай праходзіў па крымінальнай справе паводле артыкулаў 369 КК (Абраза прадстаўніка ўлады) і 130 КК (Распальванне сацыяльнай варожасці).

У канцы жніўня 2022 г. палітвязня перавялі з жодзінскай СТ № 8 у гомельскі СІЗА-3.

2 верасня 2022 г. адбыўся суд над Мікалаем. У выніку яму выставілі абвінавачванне ў дыскрэдытацыі Рэспублікі Беларусь паводле арт. 369-1 КК, прызналі вінаватым і асудзілі да зняволення ў калоніі агульнага рэжыму тэрмінам на два гады.

Па падліках праваабаронцаў, палітвязень цалкам адбыў тэрмін і выйшаў на волю напрыканцы сакавіка 2023 г.

"Дыскрэдытаваў Рэспубліку Беларусь": вынесены прысуд жыхару Гомеля

Суд Навабеліцкага раёна Гомеля 2 верасня вынес прысуд па справе Мікалая Дземчанкі, абвінавачанага ў дыскрэдытацыі Рэспублікі Беларусь (арт. 369-1 Крымінальнага кодэкса).