Марына Васільеўна Золатава — галоўная рэдактарка TUT.BY.

На TUT.BY Марына Золатава прыйшла ў 2004 годзе, а неўзабаве стала яго галоўнай рэдактаркай. Золатава любіць балканскую культуру, ведае балгарскую мову. Вольны час прысвячае праслухоўванню балканскай музыкі.

У 2019 годзе Марыну Золатаву асудзілі на буйны штраф па крымінальнай справе па арт. 425 Крымінальнага кодэкса (Бяздзейнасць службовай асобы) — справе аб несанкцыянаваным доступе да інфармацыі "БелТА". Праваабаронцы лічаць тую крымінальную справу палітычна матываванай.

Марына была затрыманая 18 траўня 2021 года ў межах крымінальнай справы, распачатай супраць TUT.BY за ўхіленне ад выплаты падаткаў у асабліва буйным памеры (ч. 2 арт. 243 Крымінальнага кодэкса).

У кастрычніку 2022 г. КДБ уключыў Марыну ў спіс "асобаў, датычных да тэрарыстычнай дзейнасці".

Марына — фіналістка Прэміі праваабарончай супольнасці Беларусі за 2022 год у намінацыі "Журналіст/журналістка года".

Ёй выставілі абвінавачванне паводле:

• ч. 3 арт. 130 КК (распальванне расавай, нацыянальнай, рэлігійнай альбо іншай сацыяльнай варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці, якое ўчыненае групай асобаў або пацягнула цяжкія наступствы);
• ч. 3 арт. 361 КК (заклікі да дзеянняў, скіраваных на нанясенне шкоды нацыянальнай бяспецы Рэспублікі Беларусь, учыненыя з выкарыстаннем сродкаў масавай інфармацыі або глабальнай камп’ютарнай сеткі Інтэрнэт).

Абвінавачванне ў нясплаце падаткаў паводле арт. 243 КК з Марыны ў выніку знялі.

9 студзеня 2023 г. у Мінскім гарадскім судзе пачаўся разгляд справы супраць найбуйнейшага беларускага незалежнага парталу TUT.BY. Судовы працэс ад самага пачатку зрабілі закрытым. 17 сакавіка 2023 г. суддзя Валянціна Зянькевіч прызначыла былой галоўнай рэдактарцы парталу Марыне Золатавай і былой генеральнай дырэктарцы Людміле Чэкінай па 12 гадоў зняволення ў калоніі ва ўмовах агульнага рэжыму кожнай.

31 ліпеня 2023 г. Вярхоўны суд разглядзеў апеляцыю па "справе TUT.ВY" — прысуд пакінуты без зменаў, а апеляцыя без задавальнення. Рашэнне прымаў суддзя Ігар Любавіцкі.

18 жніўня 2023 г. МУС унёс палітзняволеную ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Была пераведзена з СІЗА-1 у ПК № 4 для адбывання пакарання.

Па 12 гадоў калоніі: абвешчаны прысуд па "справе TUT.BY"

Увечары 16 сакавіка па БТ паказалі "расследаванне" пра працу TUT.ВY. Прапагандыстка Ксенія Лебедзева хацела распавесці гледачам, у чым вінаватыя супрацоўніцы парталу. Але, у сутнасці, іх абвінавацілі ў тым, што ў 2013-2014 гг. журналісты асвятлялі падзеі ва Украіне падчас Майдану, у 2010 годзе пісалі пра паслявыбарчыя акцыі пратэстаў у Беларусі, пра дэвальвацыі ў краіне, а таксама пра рэпрэсіі супраць мірных беларускіх пратэстоўцаў у 2020 годзе. Але сутнасць выстаўленых абвінавачванняў Золатавай і Чэкінай невядомая.

Сёння ў закрытым рэжыме пачынаецца суд па "справе TUT.ВY"

Цяпер пад вартай утрымліваюцца былая галоўная рэдактарка Марына Золатава і былая генеральная дырэктарка Людміла Чэкіна. Вользе Лойцы, Алене Талкачовай і Кацярыне Ткачэнцы раней змянілі меру стрымання. "Вясна" распавядае, у чым абвінавачваюць супрацоўніц парталу TUT.BY, і што цяпер вядома па справе.

«Сын и дочка держатся молодцом». Поговорили с близкими коллег, которые спустя трое суток не вышли на свободу

Мы очень ждали, что спустя 72 часа задержанных сотрудников TUT.BY отпустят на свободу, но этого не случилось. Известно, что большинство наших коллег направили в СИЗО № 1, некоторые остаются в СИЗО КГБ. Это значит, что теперь они находятся в статусе подозреваемых по уголовному делу. Обвинение пока не предъявлено, близкие люди растеряны и не знают, чего ожидать. Поговорили с некоторыми из родственников.