Марыну Уладзіміраўну Каласкову абвінавацілі ў абразе прадстаўніка ўлады (арт. 369 Крымінальнага кодэкса) — былога начальніка Ганцавіцкага РАУС Віталя Куляшова.

Справу разглядаў суддзя Міхаіл Юрчанка, дзяржабвінаваўца — памочнік пракурора Лабацкі.

Пацярпелы Куляшоў на суд не з’явіўся. Ён звярнуўся ў суд з заявай аб разглядзе крымінальнай справы без яго ўдзелу і даслаў заяву аб спагнанні з абвінавачанай сродкаў па пазове у памеры 1 000 руб.

Сваю віну Марына Каласкова прызнала цалкам.

Суд пастанавіў: прызнаць Марыну Каласкову вінаватай і прызначыць ёй пакаранне ў выглядзе абмежавання волі з накіраваннем ва ўстанову адкрытага тыпу ("хімія") тэрмінам на адзін год і шэсць месяцаў, а таксама штраф у памеры 700 рублёў. Задаволіць таксама матэрыяльны пазоў маральнай шкоды ў памеры 1 000 рублёў.

Суд над Каласковай быў прызначаны на 1 сакавіка 2022 г., аднак жанчына, якая знаходзілася пад падпіскай аб нявыездзе, так і не з’явілася. Яе абвясцілі ў вышук і праз некаторы час затрымалі і змясцілі пад варту. У судзе яна патлумачыла, што не было сродкаў, каб набыць квіток з Крычава да Віцебска.

Марыне змянілі рэжым на 7 месяцаў калоніі і этапавалі ў пачатку ліпеня ў ПК № 4.

Жанчына цалкам адбыла тэрмін і 7 лютага 2023 г. выйшла на волю.

Абвясцілі ў вышук, затрымалі і пакаралі: чым скончыўся суд над Марынай Каласковай

Першамайскі суд Віцебска 13 красавіка завяршыў разгляд крымінальнай справы жыхаркі Крычава Марыны Каласковай. Жанчыну абвінавацілі ў абразе прадстаўніка ўлады (арт. 369 Крымінальнага кодэкса) – былога начальніка Ганцавіцкага РАУС Віталія Куляшова.

Віцебск: абвінавачаная Каласкова на суд не з’явілася, яе абвясцілі ў вышук

У судзе Першамайскага раёна Віцебска 1 сакавіка павінен быў распачацца суд па крымінальнай справе Марыны Каласковай. Яе абвінавачваюць у абразе прадстаўніка ўлады - супрацоўніка міліцыі - па арт. 369 Крымінальнага кодэкса РБ.