Марына Уладзіміраўна Глазава — 25-гадовая настаўніца польскай і ангельскай моваў з Брэста.

Яна была затрыманая 23 верасня ў сябе дома. Падставай для затрымання стала падазрэнне ва ўчыненні злачынства, прадугледжанага ч. 1 арт. 342 Крымінальнага кодэкса (“Групавыя дзеянні, якія груба парушаюць грамадскі парадак”). Ёй прад'яўляюць тое, што яна 13 верасня ў Брэсце "арганізавала масавыя беспарадкі ў выглядзе карагодаў". Ёй прад'явілі абвінавачванне.

Cуд Ленінскага раёна Брэста 25 лютага 2021 года вынес першыя прысуды па крымінальнай "справе карагодаў", у тым ліку і Марыне Глазавай. Ёй прысудзілі 1,5 года абмежавання волі без накіравання ў папраўчую ўстанову ("хатняя хімія"). Марына была пад вартай два месяцы ў СІЗА Брэста.

24 лістапада 2021 года была пераведзена пад хатні арышт. У красавіку 2022 года цалкам адбыла пакаранне.

«Справа карагодаў» у Брэсце. Што вядома цяпер?

Пасля падзей 13 верасня ў Брэсце, калі супраць пратэстоўцаў, якія на Маршы герояў спявалі і танчылі ў карагодах, быў выкарыстаны вадамёт, была ўзбуджаная крымінальная справа па ч. 1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). У Брэсце гэтая справа называецца "справа карагодаў". Дзясяткі фігурантаў гэтай крымінальнай справы, вялікая следчая група, палізняволеная Марына Глазава — "Вясна" распавядае, што вядома пра "справу карагодаў".

У Брэсце судзяць адразу 10 чалавек па "справе карагодаў". Не ўсе прызнаюць сваю віну

У судзе Ленінскага раёна Брэста 20 студзеня пачаўся разгляд крымінальнай справы паводле часткі 1 артыкула 342 (дзеянні, якія груба парушаюць грамадскі парадак) за ўдзел 13 верасня ў карагодзе на скрыжаванні бульвара Касманаўтаў і праспекта Машэрава. Справу разглядае суддзя Святаслаў Каліна. Пратэстоўцы былі разагнаныя вадамётам. На лаве падсудных цяпер — дзесяць чалавек.

Прастой тралейбусаў склаў больш за 29 гадзін: другі працэс па "справе карагодаў" у Брэсце

У судзе Ленінскага раёна Брэста 27 студзеня працягваецца разгляд крымінальнай справы па часткі 1 артыкула 342 КК за ўдзел 13 верасня ў карагодзе на скрыжаванні бульвара Касманаўтаў і праспекта Машэрава. 

 

Да двух гадоў "хіміі". У Брэсце вынеслі першыя прысуды па "справе карагодаў"

Cуд Ленінскага раёна Брэста 25 лютага вынес першыя прысуды па крымінальнай "справе карагодаў". Пасля "Марша герояў" 13 верасня ў Брэсце супраць пратэстоўцаў, якія спявалі і танчылі ў карагодах, узбудзілі крымінальную справа па ч. 1 арт. 342 Крымінальнага кодэкса.