Марыя Несцерава

былая супрацоўніца мытні

Былы палітвязень

Дата нараджэння: 12 верасня 1966

Дата затрымання: 23 кастрычніка 2020

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 27 траўня 2023

Суддзя: Капцэвіч Алена

Пракурор: Зубік Вераніка

Марыя Міхайлаўна Несцерава скончыла факультэт прыкладной матэматыкі і інфарматыкі Беларускага дзяржаўнага універсітэта. Потым амаль усё жыццё працавала дзяржаўнай служачай. Вядома, што Марыя каля васьмі гадоў прапрацавала ў Мінскай рэгіянальнай і цэнтральнай мытні старэйшай інспектаркай. Яна звольнілася з мытні каля дзесяці гадоў таму.

Жанчына была затрымана пасля 8 вечара 23 кастрычніка на лесвічнай клетцы каля сваёй кватэры. Да яе прыйшлі з вобшукам супрацоўніка ГУБАЗіК, пасля яго Марыю павезлі на допыт. Пры затрыманні яе збілі.

Спачатку жанчыне прад'явілі абвінавачванне па ч. 2 арт. 293 Крымінальнага кодэкса (удзел у масавых беспарадках у Мінску). Але ў выніку асудзілі па ч. 1 артыкула 342 Крымінальнага Кодэкса РБ, прызнаўшы вінаватай “у актыўным удзеле ў групавых дзеяннях, якія груба парушаюць грамадскі парадак". Усё — за тэлеграм-каналы і чаты, у якіх яна ўдзельнічала. Перапіскі з іх ляглі ў аснову 47-старонкавага абвінавачвання. Прысуд у тры гады пазбаўлення волі ў калоніі агульнага рэжыму вынесла 4 чэрвеня 2021 года суддзя суда Заводскага раёна горада Мінска Алена Капцэвіч.

Змешчана ў СІЗА-1 у Мінску.

27 траўня 2023 г. палітзняволеная выйшла на волю з ПК № 4, цалкам адбыўшы тэрмін.

«Как вы так можете унижать целый народ?» Монолог экс-политзаключенной, которая в 55 лет попала в колонию за телеграм-чаты 

Женщина тогда администрировала несколько десятков протестных ресурсов в Telegram, активно протестовала, пока силовики ее не вычислили и с мешком на голове не отвезли в КГБ. В том числе за такие посты в соцсетях, как тот, женщину осудили на три года. Так Мария, до этого работавшая на госслужбе и занимавшаяся предпринимательством, оказалась за решеткой. 

Працавала ў мытні, была незалежнай назіральніцай на выбарах. Што вядома пра палітзняволеную Марыю Несцераву

Марыя Несцерава скончыла факультэт прыкладной матэматыкі і інфарматыкі Беларускага дзяржаўнага універсітэта. Потым амаль усё жыццё працавала дзяржаўнай служачай. Вядома, што Марыя каля васьмі гадоў прапрацавала ў Мінскай рэгіянальнай і цэнтральнай мытні старэйшай інспектаркай. Па словах знаёмай Марыі, яна звольнілася з мытні каля дзесяці гадоў таму.

 

 

 

"Уздзейнічала на свядомасць і волю грамадзян" праз telegram-перапіскі. Як праходзіў суд над палітзняволенай Марыяй Несцеравай?

Суд над Марыяй праходзіў 31 мая і 1, 2, 3 чэрвеня, а судовае следства будавалася на зачытванні перапісак у telegram. Несцерава ж заявіла аб збіцці пры затрыманні сілавікамі.

 

Тры гады калоніі за перапіскі ў telegram — вынеслі прысуд палітзняволенай Марыі Несцеравай

Палітзняволенай Марыі Несцеравай прысудзілі тры гады пазбаўлення волі ў калоніі агульнага рэжыму. Менавіта столькі запытвала дзяржабвінаваўца Зубік.

 

 

 

Палітвязні знаходзяцца па адрасах:

Падтрымаць «Вясну»