Рыта Зотава

Дата нараджэння: 25 студзеня 2002

Дата затрымання: 28 снежня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 341 Крымінальнага кодэкса — Апаганьванне будынкаў і псаванне маёмасці

Вынік суда: 2 гады

Від пакарання: пазбаўленне волі ў калоніі агульнага рэжыму

Суддзя: Цыганок Пётр

Пракурор: Лапіцкі Дзяніс

Месца зняволення: СІЗА-3

Рыта Алегаўна Зотава — студэнтка 3 курса факультэта псіхалогіі ГДУ імя Ф. Скарыны, была затрыманая 28 снежня 2021 паводле арт. 130 КК года за тое, што расклейвала улёткі, змест якіх, на думку следства, зневажаў амапаўцаў. У выніку супраць Рыты была распачатая крымінальная справа паводле арт. 341 (Апаганьванне будынкаў і псаванне маёмасці) і арт. 342 (Арганізацыя і падрыхтоўка дзеянняў, што груба парушаюць грамадскі парадак).

Яна была змешчаная ў СІЗА да суда.

У сакавіку 2022 года ў судзе Чачэрскага раёна адбылося некалькі пасяджэнняў, падчас якіх судзілі траіх мясцовых жыхароў: Вадзіма Дзенісенку, палітзняволеную Рыту Зотаву і Мікіту Хількевіча. 23 сакавіка быў вынесены прысуд: суддзя Пётр Цыганок прызначыў дзяўчыне два гады зняволення ў калоніі агульнага рэжыму.

Маці палітзняволенай Рыты Зотавай: «Лепш бы гэта здарылася са мной»

20-гадовая студэнтка Рыта Зотава асуджаная на два гады зняволення за пару стыкераў, якія наляпіла на выпадковыя слупы ў родным Чачэрску, вяртаючыся дадому з вечарынкі. Налепкі заўважыла дырэктарка школы: яна выклікала міліцыю, якая знайшла дзяўчыну на камерах відэаназірання, і затрымала яе на трое сутак. Пасля Рыту адпусцілі, каб затрымаць ізноў амаль праз пяць месяцаў — перад Новым годам. Мама дзяўчыны Юлія Мікалаеўна распавяла «Вясне» пра характар дачкі, ейны час у зняволенні і думкі, якія дапамагаюць ёй трымацца ў такі няпросты час.

У Чачэрску траіх маладых людзей асудзілі да зняволення за налепленыя стыкеры

Маладых людзей асудзілі за некалькі стыкераў, якія тыя наляпілі на тэрыторыі мясцовай школы па дарозе з вечарынкі. Міліцыю выклікала дырэктарка школы. Рыта расказала, што, калі з ёй запісвалі "пакаяльнае" відэа, ёй паабяцалі: "Не хвалюйцеся, гэта нікуды не пойдзе". Таксама яна адзначыла, што дакладна не ведае, што такое анархізм.

Адрас для лістоў: СІЗА-3. 246003, г. Гомель, вул. Кніжная, 1А

Палітвязні знаходзяцца па адрасах: