Максім Мікуліч

Дата нараджэння: 18 ліпеня 1979

Дата затрымання: 17 жніўня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 3 гады

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 18 сакавіка 2022

Суддзя: Капцэвіч Алена

Пракурор: Дзяцел Мікалай

Месца зняволення: Папраўчая ўстанова адкрытага тыпу № 9

Заява аб прызнанні палітвязнем

Максім Леанідавіч Мікуліч быў затрыманы 17 жніўня разам з былым амапаўцам Максімам Клімовічам за ўдзел у акцыі пратэсту 9 жніўня 2020 года. У счэпцы Мікуліч і Клімовіч трапілі на фотаздымак, па якім іх ідэнтыфікавалі і ўзбудзілі крымінальныя справы.

Мікулічу прад'явілі абвінавачванне па ч. 1 арт. 342 Крымінальнага кодэкса (актыўны ўдзел у групавых дзеяннях, якія груба парушаюць грамадскі парадак) і змясцілі ў СІЗА.

29 лістапада 2021 суд Заводскага раёна Мінска прызначыў Максіму тры гады "хіміі".

З 18 сакавіка 2022 палітзняволены адбывае пакаранне ў віцебскай ПУАТ № 9.

Да трох гадоў "хіміі" асудзілі палітзняволенага мінчука за пяціхвілінную счэпку 9 жніўня мінулага году

Суд Заводскага раёна Мінска 29 лістапада асудзіў да трох гадоў "хіміі" 41-гадовага палітвязня Максіма Мікуліча. Яго абвінавацілі па ч.1 арт. 342 Крымінальнага кодэксу (актыўны ўдзел у групавых дзеяннях, якія груба парушаюць грамадскі парадак) за ўдзел у акцыі пратэсту 9 жніўня мінулага года разам са сваім сябрам, былым палітзняволеным экс-амапаўцам Максімам Клімовічам, якога асудзілі за гэтыя падзеі да трох гадоў "хатняй хіміі".