Максім Аляксандравіч Мацулевіч быў затрыманы 4 лютага 2022 года ў межах крымінальнай справы аб групавых дзеяннях, што груба парушаюць грамадскі парадак (арт. 342 Крымінальнага кодэксу). Яму выставілі абвінавачванні, хлопца змясцілі ў СІЗА-1.

Пазней стала вядома, што справу перакваліфікавалі на 368 артыкул (Абраза прэзідэнта) за спаленае пудзіла Лукашэнкі.

У судзе Маскоўскага раёна 15 верасня 2022 г. суддзя Сяргей Кацэр асудзіў Максіма на паўтара года зняволення ў калоніі. Менавіта такое пакаранне патрабавала абвінавачанне. Таксама вядома, што "Мінсктранс" падаў пазоў на 15 тысяч беларускіх рублёў. На абвяшчэнні прысуду палітзняволеныя былі ў кайданках, іх суправаджалі шасцёра канваіраў.

25 кастрычніка 2022 г. адбыўся разгляд апеляцыйнай скаргі.

У сярэдзіне снежня палітвязня этапавалі з СІЗА-1 у ПК № 3 у Віцьбе.

Максім цалкам адбыў пакаранне і 15 красавіка 2023 г. выйшаў на волю.

Вынесены прысуд палітзняволеным, якіх абвінавацілі ў спальванні пудзіла Лукашэнкі

Усе абвінавачаныя ў выніку прызналі віну, але на першых допытах ніхто з іх не прызнаваў сваю вінаватасць. Доказамі па справе сталі фотаздымкі з фотаапарата Іллі Давыдзенкі, а таксама скрыншоты з запісаў з тэлеграм-каналаў, дзе былі апублікаваныя здымкі асабістых сустрэч абвінавачаных.