Максім Генадзевіч Лацунцэвіч быў затрыманы 29 верасня 2021 года ў межах крымінальнай справы, распачатай пасля гібелі Андрэя Зельцэра і супрацоўніка КДБ. Яму прад'яўлены абвінавачванні па арт. 130 Крымінальнага кодэксу (Распальванне варожасці) і арт. 369 КК (Абраза прадстаўніка ўлады).

Максім утрымліваўся ў СІЗА-1.

Бацька семярых дзяцей, да затрымання працаваў на заводзе "Аліварыя".

У Мінскім гарадскім судзе 25 лістапада 2022 г. агучылі вырак палітвязню: яго прызналі вінаватым і асудзілі да 1 года і 10 месяцаў зняволення ў калоніі ва ўмовах агульнага рэжыму. Таксама, паводле рашэння суддзі Анжэлы Касцюкевіч, Максім мусіць выплаціць штраф у памеры 100 базавых велічынь (3200 беларускіх рублёў).

Пасля пераліку пакарання з улікам таго часу, што палітвязень ужо правеў у зняволенні, яму заставалася быць за кратамі крыху менш за месяц. 22 снежня 2022 г. Максім выйшаў на волю.

"Ён плача, калі вечарамі разглядае здымкі". Сямёра дзяцей чакаюць дадому тату, які сядзіць у "справе Зэльцэра"

36-гадовы Максім Лацунцэвіч з верасня сядзіць у СІЗА за каментары ў "справе Зэльцэра". Дома яго чакае жонка і сямёра дзяцей. Малодшага, 6-месячнага Платона, тата бачыў толькі на здымках. Жонка нарадзіла яго пасля затрымання Максіма.