Максім Грэчкаедаў
Дата нараджэння: 5 траўня 1980
Дата затрымання: 29 верасня 2021
Прад'яўленыя абвінавачванні:
арт. 368 Крымінальнага кодэкса — Абраза прэзідэнта Рэспублікі Беларусь
арт. 130 Крымінальнага кодэкса — Распальванне варожасці ці варажнечы
арт. 367 Крымінальнага кодэкса — Паклёп у дачыненні да прэзідэнта Рэспублікі Беларусь
Вынік суда: 3 гады
Від пакарання: пазбаўленне волі ў калоніі ва ўмовах агульнага рэжыму
Суддзя: Брысіна Жанна
Месца зняволення: ПК № 1
Максім Сяргеевіч Грэчкаедаў быў затрыманы напрыканцы верасня 2021 года ў межах крымінальнай справы, распачатай пасля забойства ў мінскай кватэры it-спецыяліста Андрэя Зельцэра і супрацоўніка КДБ Дзмітрыя Федасюка.
Максім быў асуджаны паводле арт. 130 КК (Распальванне іншай сацыяльнай варожасці), арт. 368 і 367 КК (Абраза і паклёп на прэзідэнта). Справу разглядалі ў Мінскім гарадскім судзе. Суддзя Жанна Брысіна прызначыла яму тры гады пазбаўлення волі ў калоніі ва ўмовах агульнага рэжыму.
У сярэдзіне студзеня 2023 г. стала вядома, што Максіма этапавалі з СІЗА-2 у наваполацкую ПК № 1.