Максім Уладзіміравіч Дубешка — фігурант крымінальнай справы аб размаляваных цюках з сенажом.

2 верасня 2021 прэс-служба МУС паведаміла, што каля трасы М1 ноччу былі затрыманыя чатыры мужчыны і тры жанчыны з Мінска ва ўзросце ад 27 да 51 года. Адзін з іх — Максім Дубешка. Прычынай затрымання стала размалёўванне на полі больш за 80 цюкоў з сенажом. Супраць затрыманых распачалі крымінальную справу па ч. 2 арт. 339 Крымінальнага кодэкса (злоснае хуліганства).

Пасля затрымання іх даставілі ў Дзяржынскі РАУС, дома ў іх былі праведзеныя ператрусы. Да суда ім усім абралі меру стрымання ў выглядзе заключэння пад варту і змясцілі ў жодзінскую турму №8.

Суд Стаўбцоўскага раёна 31 студзеня 2022 вынес прысуды па рэзананснай "справе размаляваных цюкоў з саломай". Суддзя Вікторыя Суднік прызначыла Максіму Дубешку 1 год калоніі ва ўмовах агульнага рэжыму. Пракурор Яраслаў Ларычаў прасіў суд усіх фігурантаў пазбавіць волі. На працэсе стала вядома, на поле 1 верасня сілавікі прыехалі з аўтаматамі, супрацоўнікі на затрыманых малявалі свастыку, некаторых збівалі. Таксама, па словах абвінавачаных, акцыю, па сутнасці, арганізаваў "невядомы хлопец", які прапаноўваў абвінавачаным у тэлеграме размаляваць цюкі пад Дзяржынскам. Сярод затрыманых яго не апынулася. Двое палітвязняў па справе прапаноўвалі следчым цалкам выкупіць размаляваныя цюкі або вымыць іх (бо ў аднаго абвінавачанага ўласная клінінгавая кампанія), але следчы нават не перадаў прапановы дырэктару калгасу. 

Максім цалкам адбыў тэрмін і 17 траўня 2022 г. выйшаў на волю з СТ № 8.

"Нейкі чалавек у пінжачку зняў нас на відэа і перадаў у РАУС". Гісторыя экс-вайскоўца, які адседзеў год за восем БЧБ-стагоў

Дзевяць гадоў таму Максім скончыў Вайскова-касмічную акадэмію ў Санкт-Пецярбургу. Марыў працягнуць службу ў Расіі, але давялося вярнуцца ў Беларусь і змяніць прафесію. Калі б тады Максім не сышоў з войска, то сёння мог бы ваяваць на баку Расіі ва Украіне, як гэта робяць ягоныя аднакурснікі. Аднак у жыцці хлопца ўсё склалася інакш: год таму ён стаў беларускім палітвязнем.

Шэсць палітвязняў па "справе цюкоў" асудзілі да калоніі. На затрыманых сілавікі малявалі свастыку

Суддзя Вікторыя Суднік прызнала ўсіх вінаватымі па ч. 2 арт. 339 Крымінальнага кодэкса (хуліганства групай асобаў) і прызначыла ўсім, акрамя Кацярыны Арыка, год калоніі ва ўмовах агульнага рэжыму.