Максім Бабіч
студэнт, непаўнагадовы
Дата нараджэння: 26 жніўня 2003
Дата затрымання: 19 кастрычніка 2020
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Запаснік Марына
Максім Бабіч – студэнт другога курсу Мінскага дзяржаўнага аўтамеханічнага каледжа, непаўнагадовы. Хлопец мае праблемы са здароўем – у яго парок сэрца.
Быў затрыманы 19 кастрычніка, калі ён выходзіў з пад'езда і накіроўваўся на вучобу. У якасці прычыны ягонага затрымання быў названы эпізод з блакаваннем дарогі 13 кастрычніка ў Серабранцы (раён Мінска), на скрыжаванні праспекта Ракасоўскага і вуліцы Пляханава.
Яму прад'явілі абвінавачванні па арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Утрымліваецца пад вартай у СІЗА Жодзіна.
22 снежня 2020 года Максіму Бабічу агучылі прысуд: тры гады абмежавання волі без накіравання ў выпраўленчую ўстанову. Яго вызвалілі з-пад варты ў залі суда.
Вынесеныя прысуды па справе блакавання дарогі ў Серабранцы
