Людміла Кірыленка

Дата нараджэння: 20 лютага 1986

Дата затрымання: 19 студзеня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год і 6 месяцаў

Від пакарання: пазбаўленне волі ў калоніі агульнага рэжыму

Суддзя: Ерафееў Яўген

Месца зняволення: СІЗА-3

Людміла Дзмітрыеўна Кірыленка — прадпрымальніца з Рагачова, мае дваіх дзяцей. Была затрымана 19 студзеня 2022 года па крымінальнай справе, распачатай пасля акцый пратэсту ў Жлобіне ў жніўні 2020 года. У жанчыны дома правялі ператрус, адвезлі ў СК Жлобіна на допыт, а затым змясцілі ў ізалятар.

Праз некалькі дзён яе перавялі ў гомельскі СІЗА і прад'явілі абвінавачванне па арт. 342 Крымінальнага кодэксу (Групавыя дзеянні, якія груба парушаюць грамадскі парадак).

22 красавіка 2022 года суд Жлобінскага раёна пастанавіў пакараць жанчыну пазбаўленнем волі ў калоніі агульнага рэжыму тэрмінам на паўтара года.

Палітзняволеную са Жлобіна пакаралі калоніяй за ўдзел у акцыі пратэсту ў жніўні 2020 года

35-гадовая Людміла Кірыленка, родам са Жлобіна, трапіла ў відэазапіс пратэснай акцыі 9 жніўня 2020 г. У траўні 2021 г. яе апыталі па гэтым факце, а таксама вынялі тэлефон і сукенку, у якой яна была падчас акцыі. Людміла не адмаўляла, што прысутнічала сярод людзей з-за цікавасці, але ніякіх актыўных дзеянняў не рабіла.

Адрас для лістоў: СІЗА-3. 246003, г. Гомель, вул. Кніжная, 1А

Палітвязні знаходзяцца па адрасах: