Леанід Сяргеевіч Герасімлюк — жыхар Гродна, асуджаны паводле ч. 3 арт. 361 Крымінальнага кодэксу (Дзеянні, накіраваныя на прычыненне шкоды нацыянальнай бяспецы). А менавіта — у публічных закліках да гвалту і здзяйснення актаў тэрарызму, размешчаных нібыта ім у кастрычніку-лістападзе 2020 года ў адным з публічных Telegram-чатаў.

Леаніда Герасімлюка затрымалі 25 лютага 2021 і змясцілі ў СІЗА гродзенскай турмы. Сваёй віны ён не прызнаў.

У жніўні Леаніда асудзілі да 3 гадоў і 6 месяцаў калоніі агульнага рэжыму.

У сярэдзіне студзеня 2022 стала вядома аб пераводзе Леаніда з Турмы № 1 у ПК № 2.

28 чэрвеня 2022 г. КДБ унёс Леаніда ў спіс асобаў, "датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Па падліках мусіў выйсці на волю летам 2024 г. 

"Ці будзе матылёк жыць?": у Гродне вынеслі прысуд за заклікі да тэрарызму

На 3 гады і 6 месяцаў калоніі ва ўмовах агульнага рэжыму асудзілі Леаніда Герасімлюка за заклікі да дзеянняў, накіраваных на нанясенне шкоды нацыянальнай бяспецы Рэспублікі Беларусь праз інтэрнэт (ч. 3 арт. 361 КК РБ). Такое рашэнне вынес суддзя Гродзенскага абласнога суда Уладзімір Яўхута 16 жніўня. У той жа дзень Леанід Герасімлюк прамовіў апошняе слова, а 11 жніўня адбыліся спрэчкі бакоў. "Вясна" распавядае пра гэтую крымінальную справу.

“Віну не прызнаю, ад далейшых паказанняў адмаўляюся": у Гродне працягваецца суд за заклікі да гвалту і тэрарызму

Леаніда Герасімлюка затрымалі 25 лютага і змясцілі ў ШІЗА гродзенскай турмы. Сваёй віны ён не прызнае.

Да дзесяці год пазбаўлення волі. Гарадзенца судзяць за заклікі да гвалту і тэрарызму

Гарадзенскі абласны суд 7 ліпеня працягвае разгляд крымінальнай справы 29-гадовага мясцовага жыхара Леаніда Герасімлюка. Яго абвінавачваюць у публічных закліках да гвалту і здзяйснення актаў тэрарызму, размешчаных нібыта ім у кастрычніку-лістападзе 2020 года ў адным з публічных Telegram-чатаў і іншых дзеяннях, накіраваных на прычыненне шкоды нацыянальнай бяспецы Беларусі па ч.3 артыкула 361 КК РБ.