Лявон Халатран

валанцёр штаба Віктара Бабарыкі

Дата нараджэння: 27 сакавіка 1986

Дата затрымання: 11 жніўня 2020

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 13 чэрвеня 2021

Дата вызвалення: 21 траўня 2022

Суддзя: Блізнюк Юлія

Пракурор: Папкоў Павел

Сімвалічны/ая хросны/ая: Ліза Бадум, дэпутатка Бундэстага ад групы “Альянс 90/Зялёныя”

Лявон Аляксандравіч Халатран — валанцёр штаба Віктара Бабарыкі, кіраўнік Ruin Bar Ok16. 

11 жніўня 2020 г. Лявон выйшаў са сваёй кватэры на вуліцы Гая і пасля туды не вярнуўся. Яму выставілі абвінавачванне па ч.2 арт. 293 КК РБ (удзел ў масавых беспарадках). Некалькі дзён блізкім Лявона нічога не было вядома пра яго месцазнаходжанне. 14 жніўня яго адпусцілі пад падпіску аб нявыездзе і накіравалі на медыцынскую экспертызу ва ўпраўленне Следчага камітэта. Сям'я і сябры бачылі, як Лявон заходзіў у будынак і былі гатовыя яго сустрэць, але ўстанова зачынілася, а Лявона так і не выпусцілі. Праз некалькі гадзін стала вядома, што меру стрымання змянілі на ізалятар. 9 кастрычніка была верагоднасць, что Халатрана адпусцяць пад асабістае даручальніцтва, але гэтага не адбылося. 

Лявон мае трохгадовага сына Мікі і дасылае яму ілюстраваныя казкі з СІЗА.

Пазней артыкул перакваліфікавалі на ч. 1 арт. 342 КК (групавыя дзеянні, груба парушаючыя грамадскі парадак). Тэрмін утрымання пад вартай працягнуты да 11 студзеня 2021 года.

19 лютага 2021 г. асуджаны на два гады абмежавання волі з накіраваннем у папраўчую ўстанову адкрытага тыпу. 

13 чэрвеня 2021 г. Лявон пачаў адбываць пакаранне ў ПУАТ №45.

У ПУАТ №45 супрацоўнікі сілавых структур у якасці сведкі па крымінальнай справе дапыталі ў сярэдзіне лютага 2022 палітвязня Лявона Халатрана. Цяпер ён без сувязі і магчымасці выйсці за межы ўстановы.

Лявон цалкам адбыў тэрмін і 21 траўня 2022 г. выйшаў на волю.

Масавы пераслед палітзняволеных "хімікаў": што вядома цяпер

У ПУАТ №45 супрацоўнікі сілавых структур у якасці сведкі па крымінальнай справе дапыталі палітвязня Лявона Халатрана. Цяпер ён без сувязі і магчымасці выйсці за межы ўстановы. На гэтай «хіміі» перастаў выходзіць на сувязь Віктар Пархімчык.

"Здагадкі не могуць з'яўляцца падставай для прысуду!" Што сказаў у апошнім слове Лявон Халатран

У судзе Фрунзенскага раёна г. Мінска 17 лютага кіраўнік Ruin Bar ОК16 і валанцёр выбарчага штаба Віктара Бабарыка Лявон Халатран выступіў з апошнім словам.

Для Лявона Халатрана пракурор запрасіў два гады абмежавання волі

У працэсе працягнулі вывучэнне пісьмовых матэрыялаў справы і даследавалі рэчыўныя доказы. Былі праслуханыя тэлефонныя размовы розных людей, у тым ліку Антона Бяленскага і Юрыя Савіцкага.

У Мінску судзяць палітвязня Лявона Халатрана

Згодна з абвінавачваннем, Лявон Халатран прыняў актыўны ўдзел у групавых дзеяннях ў ноч з 9 на 10 жніўня, якія пацягнулі грубае парушэнне грамадскага парадку, а менавіта публічна заклікаў людзей да такіх дзеянняў праз інтэрнэт, перакрываў дарогі па вуліцах Багдановіча-Машэрава і Куйбышава-Машэрава ў Мінску, перашкаджаў руху транспарта, выкрыкваў лозунгі, гучна пляскаў у далоні.

У Лявона ёсць трохгадовы сын Мікі. Бацька дасылае яму ілюстраваныя казкі з СІЗА.

Ліст сыну:

Мікі, прывітанне. Гэты хамелеон вельмі галодны. Дапамажы яму з'есці жука! А потым пагладзь па пузіку. Ён добры. Памятаеш, як хамелеоны змяняюць колер і як хаваюцца?

Тата цябе вельмі любіць і сумуе. Дапамагай маме і абавязкова чысці зубы. Тата.

Кіраўнік ОК16 Лявон Халатран шле сыну малюнкі з СІЗА

Кіраўнік руін-бара ОК16 і валанцёр штаба Віктара Бабарыка Лявон Халатран, які знаходзіцца ў СІЗА на Валадарскага, дасылае сыну малюнкі і казкі. Яго жонка, беларуская спявачка IVA SATIVA, апублікавала частку з іх у Instagram мужа.

«Дубасілі па галаве, прыгаворваючы «чарнадупы». Гутарка з жонкай палітвязня Лявона Халатрана пра выхаванне сына без бацькі і ратаванне творчасцю

Валанцёр штаба Віктара Бабарыкі, кіраўнік Ruin Bar Ok16 Лявон Халатран сышоў з кватэры 11 жніўня 2020 года ды так і не вярнуўся. Ні жонка, ні сябры некалькі дзён не ведалі, што з ім і дзе ён. Пазней высветліцца, што Лявона затрымалі і выставілі абвінавачванне.

Лявон Халатран: Я адчуваю адказнасць за тых, хто цяпер сядзіць

Мінскі гарадскі суд 30 красавіка чакана пакінуў у сіле прысуд палітвязню Лявону Халатрану, а гэта значыць, што ў любы момант яго могуць забраць адбываць пакаранне — два гады абмежавання волі ва ўстанове адкрытага тыпу, так званую «хімію». «Новы час» паспеў сустрэцца з Лявонам і пагутарыць пра тое, як ён рыхтуецца да гэтага, што даў яму досвед у СІЗА і якой бачыць будучыню Беларусі.

Палітвязні знаходзяцца па адрасах: