Ларыса Іванаўна Танкашкур — паштальёнка з Мінску, якая перадала адміністратару Telegram-чату "Лебяжий 97%" асабістыя звесткі супрацоўнікаў органаў унутраных справаў, якія яна ўзяла з картатэкі падпісчыкаў выдання МУС "На страже".

Дзеянні жанчыны былі кваліфікаваныя па ч. 1 арт. 179 Крымінальнага кодэкса (незаконны збор і распаўсюд звестак аб прыватным жыцці, якія складаюць асабістую ці сямейную тайну іншай асобы, без яго згоды, якія пацягнулі прычыненне шкоды правам, свабодам і законным інтарэсам пацярпелых).

На судзе Ларыса Танкашкур прызнала віну часткова: яна прызнала, што распаўсюджвала дадзеныя, але не прызнала, што рабіла гэта з ідэалагічнай і палітычнай непрыязнасці або з помсты.

22 студзеня 2021 г. ёй прысудзілі тры месяцы арышту. 30 чэрвеня Ларыса пачала адбываць тэрмін, 29 верасня выйшла на волю.

У лістападзе 2022 г. стала вядома, што жанчыну ізноў затрымалі. Паводле праўладных Telegram-каналаў, адразу пасля вызвалення Танкашкур даслала дадзеныя свайго суддзі і пракурора ў "Чорную Кнігу Беларусі". Паводле інфармацыі праваабаронцаў, 17 лістапада жанчыну прызналі вінаватай у "дробным хуліганстве" паводле арт. 19.1 КаАП і арыштавалі на 14 сутак. 

"Пустая трата дзяржаўных грошай". Паштарка, якую пакаралі за публікацыю адрасоў міліцыянтаў, распавяла пра свой арышт

"Калі мяне выпускалі, супрацоўнік спытаў: "Ну што, з чыстым сумленнем на волю?" Кажу: "Маё сумленне і так было чыстае". "Вам яшчэ мала далі". "Мне далі столькі, колькі належыць па артыкуле", — адказала яму".

Паштальёнку, якая перадала ў Telegram-чат звесткі дзясяткаў міліцыянтаў, асудзілі на 3 месяцы арышту

Суд Першамайскага раёна Мінска 22 студзеня вынес прысуд па крымінальнай справы супраць 56-гадовай паштальёнкі Ларысы Танкашкур, якая перадала адміністратару тэлеграм-чату “Лебяжий 97%” асабістыя звесткі супрацоўнікаў органаў унутраных справаў, якія яна ўзяла з картатэкі падпісчыкаў выдання МУС "На страже". Пацярпелымі па справе прызнаныя 35 чалавек, сярод якіх — супрацоўнікі Цэнтральнага РУУС, выкладчыкі Акадэміі МУС, намеснік начальніка ДАІ і нават ужо звольненыя міліцыянты. Па ч. 1 арт. 179 Крымінальнага кодэкса суддзя Таццяна Ліннік асудзіла пенсіянерку на тры месяцы арышту — менавіта такое пакаранне прасіў для яе пракурор.

У Мінску судзяць паштальёнку, якая перадала ў Telegram-чат дадзеныя дзясяткаў міліцыянтаў

Пацярпелымі па справе прызнаныя 35 чалавек, сярод якіх — супрацоўнікі Цэнтральнага РУУС, выкладчыкі Акадэміі МУС, намеснік начальніка ДАІ і нават ужо звольненыя міліцыянты. Ніхто не мае да абвінавачанай матэрыяльных прэтэнзій.