Лабарант з Сянно
Прад'яўленыя абвінавачванні:
арт. 370 Крымінальнага кодэкса — Здзек з дзяржаўных сімвалаў
Вынік суда: 1 год і 6 месяцаў
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
У Сянно юнака асудзілі за сарваны сцяг
Прозвішча асуджанага пакуль невядомае — ягоны суд так і не з'явіўся ў публічнай базе судовых працэсаў. Вядома, што прысуд быў агучаны 25 студзеня 2023 года.
Па матэрыялах абвінавачання, малады хлопец, які працуе лабарантам, пасля 11 гадзін вечара ішоў з дому ў бар і па дарозе на мясцовай канторы райспажыўтаварыства ўбачыў чырвона-зялёны сцяг. Ён падскочыў, каб сарваць яго, але з першага разу гэта не ўдалося — сцяг вісеў досыць высока. Таму прыйшлося падскокваць яшчэ раз. Другі раз быў паспяховым і акрамя самога палотнішча ўніз паляцелі і часткі канструкцыі да якой сцяг быў прымацаваны, паведамляе orsha.еu.
У выніку юнаку вынеслі пакаранне ў выглядзе абмежавання волі тэрмінам на 1,5 года («хатняй хімііі») за абразу дзяржаўнага сімвала (арт. 370 КК РБ), а таксама прызначылі кампенсацыю дробных страт для ўладальніка сцяга.