Ксенія Алегаўна Луцкіна — журналістка. Да жніўня 2020 года працавала ў Белтэлерадыёкампаніі. Пасля выбараў яна далучылася да страйку супрацоўнікаў холдынгу, а затым сышла з пазіцыі карэспандэнта тэлеканала "Беларусь 2" і ўвайшла ў асноўны склад Каардынацыйнага савета.

Палітзняволеная мае пухліну мозгу.

Пазней Ксенія казала аб тым, што разам з іншымі журналістамі, якія звольніліся, яны плануюць стварыць "альтэрнатыўнае тэлебачанне" на YouTube. Праект развіваўся ў тым ліку пры ўдзеле Акадэміі Прэс-клуба. Першыя перадачы былі запісаныя, запуск павінен быў адбыцца ў студзені 2021.

Ксенію затрымалі 22 снежня 2020 на бульвары Мулявіна — недалёка ад ЦУМа, куды яна выйшла за пакупкамі. На працягу чатырох гадзін — прыкладна да 20.30 — дома ў Ксеніі праходзіў ператрус (або агляд). У яе канфіскавалі камп'ютар, тэлефон, флэшкі і дакументы.

31 снежня 2020 стала вядома, што Ксеніі Луцкіной прад'яўленае абвінавачванне па ч. 2 арт. 243 Крымінальнага кодэксу — ухіленне ад выплаты сум падаткаў, збораў у асабліва буйным памеры. Пазней гэтая справа была закрытая, а Ксеніі выставілі новае абвінавачанне паводле арт. 357 Крымінальнага кодэксу (Змова ці іншыя дзеянні, учыненыя з мэтай захопу дзяржаўнай улады).

7 ліпеня 2022 г. справу палітзняволенай накіравалі ў Вярхоўны суд. Генпракуратура сцвярджае, што Ксенія Луцкіна займалася стварэннем "грамадскага беларускага інтэрактыўнага тэлебачання, мэта якога – утойванне і скажэнне рэальных фактаў, эскалацыя пратэснай актыўнасці, стымуляванне расколу ў беларускім грамадстве, фармаванне ў людзей негатыўнай думкі аб дзейнасці дзяржорганаў".

1 верасня 2022 г. Мінскі гарадскі суд пачаў разгляд справы Ксеніі.

28 верасня 2022 года суддзя Таццяна Фалькоўская асудзіла журналістку да 8 гадоў зняволення ва ўмовах агульнага рэжыму. Вядома, што палітзняволеная адмовілася пісаць прашэнне аб памілаванні на імя Лукашэнкі.

На пачатку лістапада яе перавялі з СІЗА-1 у гомельскі СІЗА-3.

Вярхоўны суд 27 снежня разглядзеў апеляцыйную скаргу Ксеніі Луцкіной: прысуд пакінулі без зменаў, а скаргу без задавальнення.

Напярэдадні Новага года Ксенія сустрэлася ў СІЗА з сынам.

13 студзеня 2023 г. МУС дадаў палітзняволеную ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

У сярэдзіне студзеня 2023 г. палітзняволеную журналістку этапавалі ў гомельскую жаночую калонію № 4.

У лютым Ксенія перахварэла на двухбаковую пнеўманію. Вядома, што праз стан здароўя палітзняволеную вызвалілі ад работ у прамысловай зоне.

У ліпені 2023 г. стала вядома, што бацькі палітзняволенай збіраюць дакументы для памілавання для перадачы ў калонію.

Вынесены суровы прысуд журналістцы Ксеніі Луцкіной

Судовы працэс над журналісткай пачаўся першага верасня. 20 верасня пракурор запатрабаваў пакараць Ксенію Луцкіну пазбаўленнем волі тэрмінам на 8 гадоў у калоніі агульнага рэжыму.

Суд над журналісткай Ксеніяй Луцкіной працягнецца найменей да 24 верасня

За гэты час абвінавачанне мусіць аргументаваць, што дзейнасць шматразова ўганараванай тэлевізійніцы “выключна шкодная” для дзяржаўных інтарэсаў.

"Кожны дзень на абязбольвальных уколах, раніцай і ўвечары"

У палітзняволенай Ксеніі Луцкіной за кратамі пагоршылася здароўе. Абвастрылася бранхіяльная астма, павялічваецца пухліна ў мозгу — у 2014 годзе Ксеніі зрабілі складаную неўралагічную аперацыю: выдалілі дзве пухліны ў мозгу.

15 год працавала на БТ, а цяпер апынулася ў СІЗА за спробу стварыць альтэрнатыўны канал

Гісторыя Ксеніі Луцкіной.

Што вядома пра затрыманне Ксеніі Луцкіной?

Да жніўня 2020 года Ксенія Луцкіна працавала ў Белтэлерадыёкампаніі. Пасля выбараў яна далучылася да страйку супрацоўнікаў холдынгу, а затым сышла з пазіцыі карэспандэнткі тэлеканала "Беларусь 2" і ўвайшла ў асноўны склад Кардынацыйнага савета.