Юрый Зінавенка
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 1 год
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Краўчанка Вольга
3 жніўня 2021 года ў судзе Кастрычніцкага раёна, суддзя Вольга Краўчанка прысудзіла да аднаго года хатняй хіміі і магілёўца — Юрыя Зінавенку. Зінавенка прызналі вінаватым у абразе супрацоўніка МУС праз каментар у сацыяльнай сетцы "Аднакласнікі". Міліцыянт быў з Ганцавічаў.
Сваю віну Зінавенка прызнаў. На працэсе ён абараняў сябе сам, без адваката. Адзінае, Зінавенка прасіў паменшыць суму маральнай шкоды, якую з яго патрабаваў пацярпелы (1,5 тысячы рублёў), аднак у гэтай частцы кампенсацыю яму давядзецца выплаціць цалкам. Затое адносна "пашанцавала" з прысудам — адзін год хатняй хіміі замест двух гадоў, якія патрабавала дзяржабвінаваўца.
Магілёўцы атрымалі "хатнюю хімію" за абразу міліцыянтаў
