Юрый Піваварчык - работнік ААТ “Беллакт” і грамадскі актывіст. Яго абвінавацілі ў знявазе дзяржаўных сімвалаў (арт. 370 Крымінальнага кодэкса). Ён мае непаўнагадовае дзіця, станоўча характарызуецца, мае шэраг заахвочванняў, і нават у шэрагу выпадкаў сфатаграфаваны на фоне сцяга Рэспублікі Беларусь.

Напачатку на Піваварчыка завялі адміністрацыйную справу па ч. 2 арт. 19.11 КаАП і пакаралі штрафам, а пазней ўзбудзілі яшчэ і крымінальную справу.

Суд Ваўкавыскага раёна 5 верасня 2022 года прызнаў Піваварчыка вінаватым і прызначыў яму пакаранне ў выглядзе абмежавання волі з накіраваннем у выпраўленчую ўстанову адкрытага тыпу (“хімія”) тэрмінам на адзін год. Справу разглядаў суддзя Мікалай Сяргейка.

Апеляцыйная скарга на прысуд калегіяй Гродзенскага абласнога суда 27 кастрычніка пакінутая без задавальнення.

Суд у Ваўкавыску адправіў на "хімію" былога актывіста за знявагу дзяржаўнага сцяга

Суд Ваўкавыскага раёна вынес прысуд работніку ААТ “Беллакт”, грамадскаму актывісту Юрыю Піваварчыку, якога абвінавацілі ў знявазе дзяржаўных сімвалаў (арт. 370 Крымінальнага кодэкса).