Юрый Паўлюховіч
Дата затрымання: 15 сакавіка 2021
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Трусевіч Максім
Пракурор: Зубко Іна
Яшчэ адзін працэс за абразу прадстаўнікоў улады (арт. 369 КК РБ) пачаўся 13 ліпеня 2021 года ў судзе Першамайскага раёна г. Мінска. Абвінавачаны — Юрый Паўлюховіч. Справу разглядаў суддзя Максім Трусевіч, бок дзяржаўнага абвінавачвання падтрымлівала Іна Зубко.
Паводле абвінавачвання, Юры Паўлюховіч 12 студзеня 2021 года ў тэлеграм-канале “Каратели Беларуси” пакінуў каментар пад фотаздымкам міліцыянера Антона Янушкевіча абразлівага зместу. Ён жа 5 сакавіка ў тэлеграм-канале “Беларусь головного мозга” напісаў яшчэ адзін каментар пад фотаздымкам камандзіра АМАП Дзмітрыя Балабы, які ўтрымліваў нецэнзурныя словы. І Янушкевіч, і Балаба прызнаныя па справе пацярпелымі, але ў суд яны не з’явіліся.
Абвінавачаны раней не прыцягваўся да адказнасці, быў затрыманы 15 сакавіка і ў той жа дзень адпушчаны.
Суддзя Максім Трусевіч пастанавіў прызнаць Юрыя Паўлюховіча вінаватым паводле арт. 369 КК і асудзіць яго да трох гадоў абмежавання волі без накіравання ў выпраўленчую ўстанову адкрытага тыпу (“хатняя хімія”), а таксама канфіскаваць у даход дзяржавы мабільны тэлефон маркі iPhone 11 як сродак учынення злачынства.
Не ведаў, што абмеркаванні ў чатах – гэта крымінальнае злачынства, за якое караюць