Юрый Анатольевіч Грабянёк быў затрыманы па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

14 снежня 2022 г. у Мінскім гарадскім судзе адбыўся разгляд справы ў дачыненні да Юрыя паводле ч. 1 арт. 130 КК (распальванне сацыяльнай варожасці і варажнечы), ч. 1 арт. 368 КК (абраза Лукашэнкі) і арт. 369 КК (абраза прадстаўніка ўлады). Суддзя Дзіна Кучук прызнала палітвязня вінаватым і асудзіла яго да трох гадоў зняволення ў калоніі ва ўмовах агульнага рэжыму.

24 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У сярэдзіне траўня 2023 г. стала вядома, што палітзняволены ўтрымліваецца ў папраўчай калоніі № 3 у Віцьбе.

Па падліках выйшаў на волю напрыканцы лютага 2024 г.