Юлія Колас
Былая палітзняволеная
Дата нараджэння: 30 лістапада 1972
Дата затрымання: 11 жніўня 2023
Прад'яўленыя абвінавачванні:
- арт. 369 Крымінальнага кодэкса — Абраза прадстаўніка ўлады
Вынік суда: 2 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Лабоцкі Віталь, Купрыянчык Вольга
Групы: Дзяржслужачыя
Юлія Леанідаўна Колас — былая начальніца аддзела крыміналістычных улікаў Дзяржаўнага камітэта судовых экспертыз, падпалкоўніца юстыцыі, на момант затрымання выйшла на пенсію. Вядома, што ў Юліі двое сыноў, адзін з іх непаўнагадовы.
Юлія была затрымана 11 жніўня 2023 года па крымінальнай справе за абразу прадстаўніка ўлады (арт. 369 КК).
Вядома, што Юліі прысудзілі 2 гады "хатняй хіміі".
Згодна з раскладам судоў, справа аб замене абмежавання волі на пазбаўленне волі ў калоніі разглядалася 10 і 18 снежня 2024 г. у судзе Кастрычніцкага раёна Мінска. Суддзя Вольга Купрыянчык.
