Юлія Сяргееўна Кашаверава – медсястра з Віцебска, асуджаная па артыкуле за хуліганства.

Пад час судовага следства прагучала, што дзяўчына падчас мірнай акцыі пратэсту 4 кастрычніка сарвала маску і галаўны ўбор з супрацоўніка МУС і ўдарыла нагой па міліцэйскім бусе.

Юлія Кашаверава віну прызнавала часткова. Яна не адмаўляла, што пасля таго, як ёй не далі аказаць дапамогу пацярпеламу, не стрымалася і нанесла тры ўдары па задніх дзвярах міліцэйскага мікрааўтобуса. Але запэўніла, што па правых бакавых – удараў не наносіла, маску і кепку з супрацоўніка МУС не зрывала.

Пракуратура патрабавала для яе 6 гадоў зняволення. У сваім апошнім слове яна сказала:

«4 кастрычніка ў натоўпе я пабачыла чалавека, які ляжаў тварам уніз. Першае, што прыйшло ў галаву, – гэта даведацца, што здарылася, ці не страціў ён прытомнасць, і дапамагчы. У гэты момант я прыгадала маці, за жыццё якой змагалася ўся сям’я… Мне стала крыўдна за сябе, бо не здолела дапамагчы. Так, я прызнаю сваю віну: я ўдарыла па машыне тры разы. Я ўчыніла правапарушэнне, але не судзіце мяне строга. Не пазбаўляйце мяне свабоды!”

23 лютага 2021 г. ёй прысудзілі 1 год і 6 месяцаў калоніі агульнага рэжыму.

16 верасня 2021 г. стала вядома, што Юлію Кашавераву вызвалілі па памілаванні.

Храналогія судовых працэсаў:

Віцебск: Судзяць дзяўчыну, якая нібыта пашкодзіла міліцэйскі “бус”

У судзе Кастрычніцкага раёну Віцебску 4 лютага працягнуўся разгляд крымінальнай справы 22-гадовай віцяблянкі Юліі Кашаверавай, былой медсястры 103-й асобнай мабільнай брыгады. Дзяўчыну абвінавачваюць у злосным хуліганстве (арт 339 КК РБ).

"Убачыла хлопца, які ўпаў на зямлю, нахлынулі эмоцыі, ўдарыла па машыне". У Віцебску судзяць "злосную хуліганку"

Дзяўчына распавяла, што хацела аказаць медыцынскую дапамогу хлопцу, які ўпаў на зямлю пры ўцёках ад АМАПу. У яе не атрымалася гэта зрабіць — «нахлынулі эмоцыі, ўдарыла па машыне». Мінулым летам Юлія, па яе словах, страціла маму і цяжка перажывала яе смерць.

Віцебск: Пракурор папрасіў для Юліі Кашаверавай 6 гадоў калоніі за тры ўдары па машыне

Юлія Кашаверава прызнала віну часткова. Яна не адмаўляла, што пасля таго, як ёй не далі аказаць дапамогу пацярпеламу, не стрымалася і нанесла тры ўдары па задніх дзвярах міліцэйскага мікрааўтобуса. Але запэўніла, што па правых бакавых – удараў не наносіла, маску і кепку з супрацоўніка МУС не зрывала.

Віцебск: Паўтара года калоніі медсястры, якая хацела дапамагчы збітаму АМАПам хлопцу

Суд Кастрычніцкага раёна Віцебска 23 лютага асудзіў Юлію Кашавераву за тры ўдары па міліцэйскаму бусіку на на 1 год і 6 месяцаў калоніі агульнага рэжыму.

 

«Сын служыць у АМАПе, перажывае за сястру». Бацька 22-гадовай Юліі Кашаверавай з Віцебску пра прысуд дачцэ

22-гадовая Юлія Кашаверава ў віцебскім СІЗА ўжо 5 месяцаў — з 20 кастрычніка мінулага году. 23 лютага суд Кастрычніцкага раёну Віцебску прысудзіў ёй 1,5 года пазбаўленьня волі за тое, што на маршы пратэсту яна пашкодзіла міліцэйскі бус і сарвала шапку і маску з амапаўца.