Яўген Буйніцкі

Дата нараджэння: 25 красавіка 1992

Дата затрымання: 5 жніўня 2021

Прад'яўленыя абвінавачванні:

арт. 371 Крымінальнага кодэкса — Незаконнае перасячэнне дзяржаўнай мяжы Рэспублікі Беларусь

Вынік суда: 4 гады і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Цівунчык Дзмітрый

Месца зняволення: ПК № 17

Яўген Уладзіміравіч Буйніцкі быў узяты пад варту ў сувязі з абвінавачваннем па ч. 3 арт. 371 КК за арганізацыю незаконнага перасячэння мяжы грамадзянамі, якія ратуюцца ад адвольнага палітычна матываванага пераследу ўладамі Беларусі, якое магло пацягнуць цяжкія наступствы для іх — катаванні, жорсткае, бесчалавечнае, прыніжальнае абыходжанне і незаконнае пазбаўленне волі.

5 красавіка 2022 г. суддзя Дзмітрый Цівунчык пачаў разглядаць справу Яўгена. Суд Шчучынскага раёна 31 траўня 2022 г. асудзіў 30-гадовага палітзняволенага да чатырох з паловай гадоў узмоцненага рэжыму і штрафу ў памеры 110 базавых велічыняў (3 520 рублёў). 20 кастрычніка адбыўся разгляд апеляцыйнай скаргі палітзняволенага: прысуд пакінулі без зменаў.

У лістападзе 2022 г. Яўгена перавялі з гродзенскай турмы ў шклоўскую ПК № 17.

Палітвязня асудзілі да 4,5 гадоў калоніі за дапамогу беларусам эвакуявацца ад пераследу ў Літву

Негледзячы на тое, што СК сцвярджаў, што затрыманыя некалькі чалавек, якія дзейнічалі на беларускім баку, у фільме паказалі адзінага затрыманага па справе – Яўгена Буйніцкага. Яго называюць "кур'ерам, які прывозіў людзей да мяжы – ў памежную зону". У фільме сцвярджаецца, што ён "атрымліваў плату" за гэта, у чым прызнаўся следчаму: "Мне заплацілі... Заправілі машыну".

Адрас для лістоў: ПК № 17. 213004, г. Шклоў, вул. 1-я Заводская, 8

Палітвязні знаходзяцца па адрасах: