Яўген Рапін

Дата нараджэння: 18 студзеня 1996

Дата затрымання: 20 чэрвеня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 3 гады

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата вызвалення: 16 верасня 2021

Суддзя: Трусевіч Максім

Пракурор: Зубко Іна

Заява аб прызнанні палітвязнем

Яўген Рапін - жыхар Мінска, працаваў на рынку ў Ждановічах грузчыкам, жанаты, бацька трох маленькіх дзяцей. Асуджаны 6 мая 2021 года на 3 гады абмежавання волі з накіраваннем у папраўчую ўстанову адкрытага тыпу па крымінальнай справе аб групавых дзеяннях, груба парушаючых грамадскі парадак (арт. 342 Крымінальнага кодэксу).

Яўгена абвінавацілі ў тым, што ён удзельнічаў у акцыі пратэсту 4 кастрычніка і ўдарыў па камеры відэаназірання каля ізалятара на Акрэсціна.

У чэрвені 2021 года пачаў адбываць пакаранне.

16 верасня 2021 года Яўген Рапін вызвалены з ПУАТ №21 па памілаванні.

У Мінску судзяць мужчыну, які ўдарыў па камеры назірання каля ІЧУ на Акрэсціна

У судзе Першамайскага раёна Мінска чацвёртага траўня разглядалася крымінальная справа ў дачыненні да Яўгена Рапіна, які абвінавачваецца паводле ч.1 арт. 342 Крымінальнага кодэкса за тое, што ўдзельнічаў у акцыі пратэсту 4 кастрычніка і ўдарыў па камеры відэаназірання каля ізалятара на Акрэсціна. Справу разглядаў суддзя Максім Трусевіч, бок дзяржабвінавачання прадстаўляла памочнік пракурора Зубко. Да суда абвінавачаны Рапін знаходзіўся пад асабістым паручыцельствам, на пасяджэнне з'явіўся па позве.

Яўген Рапін, які на акцыі пратэсту ўдарыў камеру каля Акрэсціна, атрымаў тры гады "хіміі"

Шостага траўня ў судзе Першамайскага раёна быў вынесены прысуд па крымінальнай справе Яўгена Рапіна, абвінавачанага паводле ч.1 арт. 342 Крымінальнага кодэкса за тое, што ўдзельнічаў у акцыі пратэсту 4 кастрычніка і ўдарыў па камеры відэаназірання каля ізалятара на Акрэсціна. Суддзя Максім Трусевіч прысудзіў мужчыне тры гады абмежавання волі з накіраваннем для адбыцця пакарання ў папраўчую ўстанову адкрытага тыпу ("хімія").

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»