Яўген Алегавіч Ракевіч быў затрыманы ў Стоўбцах па крымінальнай справе, распачатай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Яўген праходзіць па крымінальнай справе паводле артыкулаў 369 КК (Абраза прадстаўніка ўлады) і ч. 3 130 КК (Распальванне сацыяльнай варожасці).

Пасля затрымання знаходзіўся ў ІЧУ на Акрэсціна. Пазней быў пераведзены ў магілёўскі СІЗА.

24 жніўня 2022 г. у Магілёўскім абласным судзе Яўгена прызналі вінаватым і прызначылі яму 2 гады зняволення і штраф 100 базавых велічыняў. Падчас судовага пасяджэння палітвязень прызнаў сваю віну часткова, патлумачыўшы, што каментары напісаў, паддаўшыся эмоцыям.

21 лістапада Яўгена этапавалі з магілёўскай турмы № 4 у віцебскую ПК № 3.

Па інфармацыі праваабаронцаў, у сакавіку 2023 г. палітвязень выйшаў на волю, цалкам адбыўшы тэрмін.