Яўген Віктаравіч Петрачэнка — футбольны фанат з Барысава. Працуе зваршчыкам на мясцовым жалезабетонным заводзе.

У ноч з 9 на 10 жніўня падчас акцыі пратэсту пасля выбараў ён штурхануў турнікет на міліцыянера, чым пашкодзіў яму нагу і твар. Затрымалі хлопца на наступны дзень, пры затрыманні ўдарылі дубінкай па галаве так, што ён страціў прытомнасць.

У пачатку кастрычніка 2020 года Яўген асуджаны па артыкуле 364 Крымінальнага кодэкса (Гвалт альбо пагроза прымянення гвалту ў адносінах супрацоўніка ўнутраных спраў) на 3,5 года калоніі агульнага рэжыму.

У судзе Ленінскага раёна Магілёва 26 траўня 2023 г. над хлопцам адбыўся суд паводле ч. 1 арт. 411 КК за "злоснае непадпарадкаванне патрабаванням адміністрацыі папраўчай установы". Справу разглядала суддзя Вікторыя Палякова. 

На час апеляцыі ўтрымліваўся ў Турме №4.

Мусіў выйсці на волю ў пачатку лютага 2024 г., бо ў студзені над Яўгенам устанавілі прэвентыўны нагляд. 

У Барысаве 20-гадовага зваршчыка асудзілі на 3,5 года за сутычку з міліцыяй. Што гэта было і хто гэта такі?

Яўген Петрачэнка асуджаны па артыкуле 364 Крымінальнага кодэкса «Гвалт альбо пагроза прымянення гвалту ў адносінах супрацоўніка ўнутраных спраў» на 3,5 года калоніі агульнага рэжыму. У ноч выбараў ён штурхануў турнікет на міліцыянера.

У Беларусі ўлады крымінальна пераследуюць футбольных фанатаў. Расказваем, за што

У Беларусі з пачаткам пратэстаў супраць фальсіфікацый на прэзідэнцкіх выбарах пад крымінальны пераслед патрапілі дзясяткі футбольных фанатаў. Іх абвінавачваюць ва ўдзеле ў масавых беспарадках (арт. 293 КК), дзеяннях, якія груба парушаюць грамадскі парадак (арт. 342 КК), гвалце ў дачыненні да супрацоўнікаў АУС (арт. 364 КК). Аб пільнай увазе ўладаў да фанатаў не хавае і Міністэрства ўнутраных справаў.