Яўген Пятровіч Паўлоўскі — кіроўца-міжнароднік, быў затрыманы 1 сакавіка 2022 года і прабыў у СІЗА да суда паводле арт. 369 Крымінальнага кодэксу (Абраза прадстаўніка ўлады).

Вядома, што мужчына пакінуў каментар у групе «Наш дом» у сацыяльнай сетцы «Аднакласнікі» ў адрас супрацоўніка мясцовага АУС. Паводле пераканання боку дзяржабвінавачвання, ён пракаментаваў фотавыяву і публікацыю непрыстойным па форме і зневажальным па скіраванасці тэкстам. Паўлоўскі добраахвотна кампенсаваў шкоду, нанесеную каментаром.

5 красавіка 2022 года суд Ленінскага раёна Гродна прызначыў Яўгену 1 год абмежавання волі з накіраваннем у ПУАТ — «хіміі».

З 29 красавіка 2022 года ён адбывае пакаранне ў ПУАТ № 48.

Вясной 2023 г. палітвязень выйшаў на волю, цалкам адбыўшы тэрмін.

Каментар пачынаўся з літары "Ч"

5 красавіка 2022 года суд Ленінскага раёна Гродна асудзіў Яўгена Паўлоўскага за каментар — гэта кваліфікавалі як публічную абразу прадстаўніка ўлады ў сувязі з выкананнем ім службовых абавязкаў (арт. 369 КК).