Яўген Гоманаў

Дата нараджэння: 19 ліпеня 1983

Дата затрымання: 8 ліпеня 2021

Прад'яўленыя абвінавачванні:

арт. 369 Крымінальнага кодэкса — Абраза прадстаўніка ўлады

Вынік суда: 2 гады і 6 месяцаў

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Дата пачатку адбыцця пакарання: 2 лютага 2022

Суддзя: Лабоцкі Віталь

Пракурор: Клішын Уладзімір

Месца зняволення: Папраўчая ўстанова адкрытага тыпу № 49

Заява аб прызнанні палітвязнем

Яўген Яўгенавіч Гоманаў — аўтаслесар з Мінска, яго абвінавацілі ў абразе прадстаўніка ўлады па арт. 369 Крымінальнага кодэкса.

Дзяржаўнае абвінавачванне па справе падтрымліваў пракурор горада Уладзімір Клішын, старшынстваваў па справе суддзя Віталь Лабоцкі.

Суд Кастрычніцкага раёна Гродна 30 лістапада 2021 года разгледзеў крымінальную справу. Суддзя Віталь Лабоцкі пайшоў у дарадчы пакой на 35 хвілін, пасля чаго вынес прысуд, які і запытвала дзяржаўнае абвінавачванне: абмежаванне волі тэрмінам на 2 гады 6 месяцаў з накіраваннем у выпраўленчую ўстанову адкрытага тыпу.

Адбывае пакаранне ў папраўчай установе №49. На волю Яўген мусіць выйсці напрыканцы чэрвеня 2024 года.

За абразу прадстаўніка ўлады ў Гродна асудзілі жыхара Мінска

Суд Кастрычніцкага раёна Гродна 30 лістапада разгледзеў крымінальную справу ў дачыненні да 38-гадовага аўтаслесара з Мінска Яўгена Гоманава. Яго абвінавацілі ў абразе прадстаўніка ўлады па арт. 369 Крымінальнага кодэкса. Дзяржаўнае абвінавачванне падтрымліваў пракурор горада Уладзімір Клішын, старшынстваваў па справе суддзя Віталь Лабоцкі.