Яўген Уладзіміравіч Дзмітрыеў працаваў пажарным-ратавальнікам у МНС.

Быў затрыманы 4 кастрычніка 2020 года пасля "Маршу вызвалення палітвязняў" каля свайго дома ў Мінску. Меркавана, за ім сачылі.

Спачатку яму прысудзілі адміністрацыйны арышт па арт. 23.34 КаАП (удзел у несанкцыянаваным масавым мерапрыемстве). Пасля сканчэння арышту ён на волю не выйшаў, стала вядома, што супраць яго распачалі крымінальную справу.

Абвінавачваўся паводле арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і арт. 364 Крымінальнага кодэкса (Гвалт ці пагроза прымянення гвалту ў дачыненні да супрацоўніка органаў унутраных спраў). 

Абвінавачанне паводле арт. 364 КК знялі. 26 лютага 2021 года Яўгену прызначылі два гады пазбаўлення волі ў калоніі агульнага рэжыму паводле ч. 1 арт. 342 Крымінальнага кодэкса.

Яўген цалкам адбыў тэрмін і 1 ліпеня 2022 года быў вызвалены з ПК № 22.

Палітвязня Яўгена Дзмітрыева асудзілі на два гады калоніі

"Я не дрэнны чалавек і ўжо сапраўды не злачынец. Працаваў у структуры МНС пажарным выратавальнікам. Я першы раз у жыцці спатыкнуўся і абавязваюся больш так не рабіць".

"Ніхто не забыты і нішто не забыта. Быць дабру!" Яўген Дзмітрыеў выступіў з апошнім словам у судзе

У судзе Цэнтральнага раёна г. Мінска працягваецца разгляд крымінальнай справы ў дачыненні да Яўгена Дзмітрыева, які 4 кастрычніка прыняў удзел у пратэснай акцыі і кінуў металічную трубу ў вадамёт.

Пачаўся суд над палітвязнем Яўгенам Дзмітрыевым. Пацярпелыя не маюць патрабаванняў

У судзе Цэнтральнага раёна г. Мінска 23 лютага пачаўся судовы працэс над 26-гадовым палітвязнем Яўгенам Дзмітрыевым, якога абвінавачваюць паводле ч. 1 арт. 342 і арт. 364 Крымінальнага кодэкса за падзеі 4 кастрычніка, калі быў зламаны вадамёт.