Яўген Чарвінскі
Былы палітвязень
Дата нараджэння: 10 жніўня 2000
Дата затрымання: 24 верасня 2020
Прад'яўленыя абвінавачванні:
- арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак
Вынік суда: 2 гады і 6 месяцаў
Від пакарання: пазбаўленне волі ў калоніі ва ўмовах агульнага рэжыму
Дата вызвалення: 4 студзеня 2023
Суддзя: Млечка Андрэй
Пракурор: Таратынка Валерыя
Справы: Пратэсты Мінск
Іншыя пазнакі: Сур’ёзныя праблемы са здароўем
Яўген Вячаслававіч Чарвінскі — мінчук, 24 лістапада 2020 года асуджаны на два з паловай гады пазбаўлення волі ў калоніі агульнага рэжыму па артыкуле 363 КК (супраціў супрацоўніку міліцыі).
Чарвінскага абвінавацілі ў тым, што з 23 па 24 верасня 2020 г. ён узяў удзел у несанкцыянаваным мерапрыемстве на вуліцы Глебкі ў Мінску, а ўцякаючы ад супрацоўнікаў АМАП, распыліў газавы пярцовы балончык. Вядома, што пры затрыманні Чарвінскага моцна збілі: зафіксаваныя чэрапна-мазгавая траўма і шматлікія выцятыя месцы на твары.
На пачатку сакавіка 2022 г. палітвязня перавялі з СІЗА-1 у ПК № 3.
4 студзеня 2023 г. Яўген выйшаў на волю па заканчэнні тэрміну.
"Я адседзеў увесь тэрмін, выйшаў, а тут ізноў тое самае адбываецца?" Размова з палітвязнем, які вярнуўся з Марша толькі праз 2 гады і 3 месяцы
Два з паловай гады за выкарыстанне пярцовага балончыка
Збітага пры затрыманні менчука судзяць за гвалт у дачыненні да супрацоўніка АМАП
