Яўген Чарвінскі

Дата нараджэння: 10 жніўня 2000

Дата затрымання: 24 верасня 2020

Прад'яўленыя абвінавачванні:

арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак

Вынік суда: 2 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 4 студзеня 2023

Суддзя: Млечка Андрэй

Пракурор: Таратынка Валерыя

Заява аб прызнанні палітвязнем

Яўген Вячаслававіч Чарвінскі — мінчук, 24 лістапада 2020 года асуджаны на два з паловай гады пазбаўлення волі ў калоніі агульнага рэжыму па артыкуле 363 КК (супраціў супрацоўніку міліцыі).

Чарвінскага абвінавацілі ў тым, што з 23 па 24 верасня 2020 г. ён узяў удзел у несанкцыянаваным мерапрыемстве на вуліцы Глебкі ў Мінску, а ўцякаючы ад супрацоўнікаў АМАП, распыліў газавы пярцовы балончык. Вядома, што пры затрыманні Чарвінскага моцна збілі: зафіксаваныя чэрапна-мазгавая траўма і шматлікія выцятыя месцы на твары. 

На пачатку сакавіка 2022 г. палітвязня перавялі з СІЗА-1 у ПК № 3.

4 студзеня 2023 г. Яўген выйшаў на волю па заканчэнні тэрміну.

"Я адседзеў увесь тэрмін, выйшаў, а тут ізноў тое самае адбываецца?" Размова з палітвязнем, які вярнуўся з Марша толькі праз 2 гады і 3 месяцы

Хлопец быў адным з першых палітвязняў, якія патрапілі ў калонію за падзеі 2020 года. Ён цалкам адбыў тэрмін і выйшаў на волю сёлета 4 студзеня. У Беларусі ён прабыў усяго 12 дзён і пакінуў краіну. Апынуўшыся ў лагеры ўцекачоў у Польшчы, Яўген распавёў "Вясне", што яму давялося перажыць у зняволенні.

Два з паловай гады за выкарыстанне пярцовага балончыка

З улікам, што сям'я перавяла паўтары тысячы беларускіх рублёў за маральную шкоду, пракурор прасіў пакараць абвінавачанага пазбаўленнем волі на тэрмін тры гады ў калоніі агульнага рэжыма. Суддзя Андрэй Млечка прызначыў Чарвінскаму два з паловай гады пазбаўлення волі ў калоніі агульнага рэжыму.

Збітага пры затрыманні менчука судзяць за гвалт у дачыненні да супрацоўніка АМАП

24 лістапада суд Фрунзенскага раёна горада Мінска пачаў разглядаць крымінальную справу ў адносінах да Е.В. Чарвінскага. Яго абвінавачваюць па артыкуле 363 КК.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»