Яраслаў Аляксандравіч Пашкоў быў затрыманы па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Яраслаў праходзіў па крымінальнай справе паводле арт. 369 КК (Абраза прадстаўніка ўлады) і 130 КК (Распальванне сацыяльнай варожасці), які пасля быў заменены на ч. 1 арт. 368 КК (Абраза прэзідэнта)

На пачатку студзеня 2022 стала вядома аб пераводзе палітвязня з СТ № 8 у СІЗА-3.

У лісце на волю Яраслаў напісаў, што 3 сакавіка 2022 г. памерла ягоная маці.

30 жніўня 2022 г. у судзе Мазырскага раёна пачалі разглядаць крымінальную справу палітвязня. 7 верасня быў вынесены прысуд: пазбаўленне волі тэрмінам на 1 год і 9 месяцаў ў калоніі ва ўмовах агульнага рэжыму. Акрамя гэтага, паводле рашэння суда Яраслаў павінен заплаціць штраф у памеры 100 базавых велічыняў (3200 рублёў).

Яраслаў цалкам адбыў пакаранне і прыблізна ў лістападзе 2022 г. выйшаў на волю.

Палітвязня з Мазыра асудзілі за дыскрэдытацыю Беларусі і абразу Лукашэнкі

Жыхар райцэнтра ў сацыяльных сетках пакідаў каментары абразлівага характару ў дачыненні да Лукашэнкі. Таксама мужчына абвінавачваўся ў здзяйсненні дзеянняў, якія дыскрэдытуюць Беларусь.