Ягор Леанідавіч Сугойдзь — аўтаслесар з Мінску. Быў затрыманы па падазрэнні ва ўдзеле ў масавых беспарадках.

9 жніўня Ягор з сябрамі пайшоў да стэлы на акцыю пратэсту супраць вынікаў прэзідэнцкіх выбараў. Там ён заскочыў на міліцэйскі аўтазак і ўпаў адтуль, калі той ехаў на поўнай хуткасці. Таксама быў збіты АМАПам. Яго закінулі ў аўтазак, але з аўтазака яго забрала хуткая дапамога і адвезла ў 5-ю бальніцу. Медыкі канстатавалі пералом шасці рэбраў з правага боку з пашкоджаннем лёгкага, закрытую чэрапна-мазгавую траўму, расколіну барабаннай перапонкі. 

Момант падзення Ягора Сугойдзя з аўтазака

21 жніўня 2020 года яго перавялі ў БХМД для далейшага лячэння. 31 жніўня 2020 года яго выпісалі з лякарні з падаўжэннем бальнічнага на месяц.

Ягора забралі ў Галоўнае ўпраўленне Следчага камітэта па Мінску. Адтуль яго перавялі ў ЦІП на вул. Акрэсціна, а пазней - у СІЗА-1. У доме, дзе жыве Ягор, прайшоў ператрус, падчас якога забралі жорсткі дыск з кампутара.

Ягору Сугойдзю было прад'яўленае абвінавачванне па ч. 2 арт. 293 Крымінальнага кодэкса (удзел у масавых беспарадках).

19 сакавіка 2021 года ў судзе Цэнтральнага раёна вынеслі прысуд Ягору Сугойдзю. Яго прызналі вінаватым паводле ч. 1 арт. 342 Крымінальнага і асудзілі да двух гадоў пазбаўлення волі ў калоніі агульнага рэжыму. Таксама суддзя Вікторыя Шабуня накіравала Сугойдзя на прымусовае лячэнне ад алкагалізму. Дзяржабвінавачанне падтрымаў памочнік пракурора Арцём Цвяткоў.

Арцём цалкам адбыў пакаранне і 30 красавіка 2022 года быў вызвалены з ПК № 15.

«У галаве дзьве гематомы, а саджаюць у турму». Мужчына, які ўпаў з аўтазаку, стаў фігурантам справы аб масавых беспарадках

Мужчыну, які ў першы дзень пратэстаў у Менску заскочыў на міліцэйскі аўтазак і ўпаў адтуль на поўнай хуткасці, пасля выпіскі з лякарні затрымалі і змясцілі ў СІЗА № 1.

Палітвязня Ягора Сугойдзя, якога 9 жніўня каля Стэлы збіў аўтазак, асудзілі да двух гадоў калоніі

19 сакавіка ў судзе Цэнтральнага раёна вынеслі прысуд палітвязню Ягору Сугойдзю.