Ягор Клімовіч
Дата нараджэння: 29 траўня 2001
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: невядомы
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Шчэрба Юльяна
Клімовіч Ягор Аляксандравіч быў асуджаны ў судзе Цэнтральнага раёна г. Мінска па ч. 1 арт. 342 Крымінальнага кодэкса. 25 і 26 сакавіка 2024 года справу разгледзела суддзя Шчэрба Юльяна.
Ягору прысудзілі "хатнюю хімію", тэрмін невядомы.
Пра затрыманне Ягора Клімовіча праўладныя тэлеграм-каналы паведамілі 18 студзеня 2024 года. Тады ж было апублікавана і відэа з ім, на якім хлопец "прызнаваўся" ва ўдзеле ў пратэстах і супраціве міліцыянтам. Ягор падчас пратэстаў даў інтэрв'ю каналу Аляксея Навальнага.
19 красавіка 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
